茅台唔香，名表滯銷，中華煙蝕錢！老登們嘅「硬通貨」一夜歸零，2025消費反轉背後系中年人的集體覺醒！|茅台|煙酒|中年消費|粵語|新頭條|coco主播

老登資產全面崩盤！茅台中華瑞士表唔香了？今期我哋來講下2025消費大反轉背後的真相！
依家去行街，你會發現一個好離譜嘅現象：以前炒到天價嘅茅台，而家電商平台1499蚊隨便揀；超市老闆搶住入貨嘅中華煙，而家堆喺貨櫃底發曬毛，就連老細們人手一隻嘅瑞士名表，今年國內銷量直接斷崖式下跌。有人話，呢啲所謂的「老登資產」崩咗，準確d來講，系中年人嘅消費力消失咗，但轉頭睇下黃金價格，從年初600蚊一克衝到11月近1000蚊一克，市場明明就有錢，點解偏偏唔買我前面講到啲「硬通貨」呢？
要講清楚呢件事，首先要搞明白，咩叫「老登資產」？唔系話老嘢先鍾意尼d嘢，而系一批上咗年紀、事業有成嘅人，將佢哋當成身份象徵同社交工具嘅資產。過去十幾年，一批又一批中年人「升級」成老登，呢啲資產永遠有接盤俠，唔單止可以自己用，仲可以當理財產品炒，簡直系穩賺不賠嘅筍野！但到咗2025年，風向突然間變曬，呢啲曾經嘅「頂流資產」，一夜之間跌落神壇，背後嘅原因，其實系佢哋嘅核心價值，已經被時代慢慢磨蝕曬。
先講茅台，呢個酒界「大哥大」，過去嘅核心價值從來唔系口味好唔好，而系「面子」同「利益」。以前擺酒，台上放住幾瓶茅台，主賓坐喺度都覺得非常有面，呢種重視背後，可能系一單工程合同、一次晉升機會，或者一場深層次嘅利益交換。好多人買茅台，唔係為咗自己飲，而係為咗「鋪路」——
請客戶飲茅台，生意成數高啲；送領導茅台，升職機會大啲。但近幾年，工程少咗，好多行業業務都在收縮，職場上升通道亦都變窄，以前「飲一餐茅台，賺返幾倍回報」嘅時代過咗。而家請人飲茅台，同請人飲普通白酒，結果可能都一樣，生意照唔成，升職照無望，咁樣嘅投入產出比，邊個仲會願意花幾千蚊買瓶酒撐場面？
有人話，系而家啲人唔鍾意飲酒啦！好似又唔系喔，你體下街邊嘅燒烤檔、小酒館依然旺到不得了，年輕人啤酒、精釀照飲唔誤。真正唔買茅台嘅，系那些曾經靠茅台「搭橋」嘅人——佢哋手裏面冇蛋糕可以分，自然就唔需要再用茅台來做「敲門磚」。而家電商平台1499蚊隨便買茅台，唔單止系價格回落，更系佢嘅社交價值同投資價值，已經今時唔同往日啦！以前炒茅台嘅人，仲可以等下一批老登接盤，而家接盤俠都唔嚟咗，茅台自然就從「搶唔到」變成「賣唔出」。
再講中華煙，呢個煙界「奢侈品」，以前最主要嘅消費場景，就系酒席，尤其系婚宴。以前擺婚宴，每圍台都要放兩包中華煙，賓客一坐低就知道，主家家境唔錯，夠曬體面。好多父母為咗子女嘅婚宴有面，就算自己平時抽十幾蚊嘅煙，都要咬牙買幾十條中華煙。但而家，婚宴都少咗，中華煙自然就冇咗市場。2013年，全國結婚對數超過1300萬對，十年之後嘅2023年，跌到只剩768萬對，足足少咗一半有多。最近兩年，各地政府為咗催結婚，發紅包、給政策，甚至將結婚登記處搬去地鐵站，方便大家領證，但都挽唔返結婚率下滑嘅頹勢，而家每年能不能保住600萬對新人結婚，都成咗未知數。
就算有新人結婚，消費觀念都變曬。以前大家鍾意擺幾十圍酒席，講排場、講體面；而家好多年輕人鍾意旅遊結婚、集體婚禮，簡單又有意義，連酒席都省咗，中華煙自然就用唔上啦！前兩年爆火嘅旅拍機構，2024年之後一批批倒閉，就知道年輕人嘅結婚消費，已經從「鋪張」轉向「簡約」。父母們冇咗為子女婚宴買中華煙嘅需求，超市老闆手裏面嘅中華煙，自然就從「香餑餑」變成「賠錢貨」，甚至要蝕價清貨。
最後講瑞士表，呢個曾經系老登們彰顯身份地位嘅「最後堡壘」。以前一塊幾萬、幾十萬嘅瑞士表戴喺手上，等於同全世界講「我有錢、我成功」。但而家，呢種「外國月亮比較圓」嘅想法，已經被年輕人徹底推翻，甚至00後見到有人戴貴价瑞士表，會暗暗笑佢「正一大水魚」。點解？因為好多瑞士表，根本就唔系全程瑞士製造。
早幾年，歐米茄就被爆出表鏈備件清單上面，寫住「Made in China」；2016年，歐米茄總裁仲喺《金融時報》採訪裏面親口承認，表鏈同紅寶石軸承，根本唔系瑞士生產。後來瑞士出咗規定，要產業鏈上60%嘅產值留在瑞士，先可以叫「瑞士製造」，但好多鐘錶品牌為咗控制成本，研發同組裝都喺外面做，只系將少部分工序留喺瑞士，湊夠比例就算數。2022年，武漢仲直接發文，話好多瑞士表用嘅機芯，其實系武漢生產嘅。呢個消息一出，對於買咗幾十萬瑞士表嘅老登嚟講，簡直系「殺人誅心」——花咁多錢，買嘅唔系「瑞士工藝」，反而可能系「中國製造」，戴喺手上唔單止唔顯身份，仲怕被人笑智商稅。
而家嘅中年人，亦即系以前嘅「中登」，已經唔再鍾意千篇一律嘅貴价瑞士表，佢哋嘅選擇分成咗兩派。一派鍾意智能手錶，看重功能——走時准、可以接電話、看微信、連衛星，仲可以監測心率、睡眠，實用性拉滿。國內智能表市場每年增速都好驚人，單月銷量超過500萬隻，全年銷售額接近400億，好多中年人都換成咗智能表，方便又好用。另一派就追求個性化，唔看重價格，反而在意品牌調性同自我表達——鍾意戶外嘅人，會買運動腕錶；鍾意簡約風格嘅人，會選設計獨特嘅國表，比起將錢戴喺手上，佢哋更鍾意將自己嘅品位同生活態度戴喺手上。
其實老登資產崩盤，唔系市場冇錢，而系消費邏輯變咗。過去嘅老登資產，靠嘅系「面子經濟」同「社交需求」，大家買嘅唔系產品本身，而系產品背後嘅身份象徵同利益價值。但而家，「面子經濟」降溫，大家更看重實用性同個性化，唔再願意為虛有其表嘅品牌溢價買單。黃金之所以會漲價，正正因為佢嘅保值屬性夠強，比起茅台、中華、瑞士表，黃金更穩定、更流通，自然成為咗大家嘅投資首選。
老登資產崩塌嘅背後，系中年人群體消費嘅集體轉向，共性需求消失嘅同時，無數個性化、具象化嘅消費正在崛起。國表品牌開始橫掃主流市場，設計同工藝都唔輸外國品牌，價格仲更親民；戶外裝備成咗新寵，衝鋒衣、釣竿、野外求生設備嘅直播間，經常人數爆棚，好多中年人周末都鍾意去露營、釣魚，享受戶外生活；滑板、騎行等運動亦都異軍突起，成為大家釋放壓力嘅方式。呢啲新興消費，唔單止讓市場變得更有活力，亦都讓消費回歸咗本質——為自己嘅需求同喜好買單，而唔係為別人嘅眼光買單。
有人話，老登資產本身冇錯，錯就錯在佢哋太「老」咗，跟不上時代嘅變化。過去十幾年，佢哋靠住社交需求同身份象徵，佔據咗中年消費市場嘅半壁江山，但當社會節奏變慢、消費觀念回歸理性，佢哋嘅核心價值就會慢慢消失。而家嘅世界，唯一不變嘅就是變化本身，沒有任何一種資產，可以永遠成為「硬通貨」，只有適應時代、滿足消費者真實需求嘅產品，先可以長久生存。
從茅台中華到智能表、戶外裝備，消費市場嘅變化，其實都系社會心態嘅變化——大家唔再執着於表面嘅面子，反而更在意內心嘅感受同生活品質。呢種變化，唔單止讓消費市場變得更多元、更有活力，亦都讓每個人都可以找到適合自己嘅消費方式，唔再被單一嘅審美同價值觀綁架。或許再過幾年，又會有新嘅「頂流資產」出現，但可以肯定嘅是，那些只靠面子同溢價支撐嘅產品，註定走唔遠。