ABŞ-İran qarşıdurması: Tehran Azərbaycandan nə istəyir?

ABŞ və İran. Bu dəfə savaş ehtimalları daha ciddihal alıb. Düşmənlərin münasibətləri bir neçə həftə Trampın Xameneiyə məktubu ilə daha da gərginləşdi. Tramp ultimatum dili ilə İrandan nüvə silahından imtinanı tələb etmişdi. Tehran Trampın məktubuna bir neçə gün əvvəl cavab verdi: Vaşinqtonla birbaşa danışıqlar olmayacaq. Trampın İrandan tələbləri yalnız nüvə ilə də bağlı deyil. Amerika Tehranın ballistik raket proqramından imtinasını, Yaxın Şərqdəki proksilərə dəstəyi dayandırmasını istəyir. Əks təqdirdə İrana görünməmiş zərbələr vəd edir. Artıq ABŞ İran yaxınlığına bombardmançı təyyarələr yerləşdirib. Dünya mediası yazır ki, yaxın həftələtdə Amerika və İsrail İrana güclü zərbələr endirəcək. İran isə hər ikisinə meydan oxuyur. Hücuma cavabımız çox sərt olacaq deyir. Vəziyyət olduqca kritikdir. Tərəflərdən heç biri geri addım atmır. Amma Amerika bombardmançı təyyarələrinin İran tərəfə istiqamətlənəcəyinə də çoxları əmin deyil. Belə gərgin bir zamanda İran rəsmiləri Azərbaycana səfər edir. Bu həftə İran Prezidentinin müşaviri Mehdi Sənai Bakıda Prezident İlham Əliyevlə görüşdü. İranın ABŞ və İsraillə gərginlik fonunda Azərbaycana yaxınlaşmaq səyləri diqqət çəkməyə bilməz. ABŞ İranın başının üstünü qara buludlar kimi alıb. O qara buludlar dağıla da bilər, göyü guruldada da. O gurultudan Azərbaycan təsirlənə bilərmi? Hazırkı gərgin vəziyyətdə ölkəmiz nəyə hazır olmalıdır? Azərbaycana səfər edən İran rəsmilərinin Bakıdan gözləntisi nədir? Suallara cavab tapmağa çalışdıq.


Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet