Zaylali - Zedek Mouloud avec Belaid Branis

Une pause café avec notre poète
Zaylali
Ur telli ɣuri tsarut, ur zriɣ anda tella
Wi d-yusan telha teẓunẓut, wi ruḥen ur teḥbiseɣ ara
Cnaw mačči ttaḥanutt Sali ṣubed di ssuma
Ma d cna-w ttamacahut, a melmi nudmeɣ tekfa
Mi qenent wallen d ayen-ni

Smaḥ i wid iyi ḍelmen, smaḥ i wid ahat ḍelmeɣ
Anda wezzleɣ ad ẓiẓen, m ur d ẓaẓen ad ẓiẓeɣ
Ma regmeɣ g At Yiraten, d iman-iw kan ay regmeɣ
Ma regmeɣ wid iyi ḥemmelen, ma regmeɣ wid n ḥemmeleɣ

Zaylali zaylali
Zaylal azal qayli, ma qenent wallen d ayen-ni

Wi ẓran yezdi yewwi lḥal, iẓra anidatt tidett
Win yugin tidett a-tt yenal yeẓra si tidett ur itett
Mazal azal azaylal, azal deg ubrid walit-tt
A win yexerben awal, sɣersernaɣ aɣerbal xiḍet-tt
Ma qenent wallen d ayen-ni

Refrain

Timsal mi t-fahmeḍ frantt, tin yefren mazal tayeḍ
Negla tiɣri tazedyant, s anda nebɣa tewweḍ
Ma d win yefeglen tajnant, wid-nni lhan irkeḍ
Ass-a tizedmin kfant, id yeqimen d asuqceḍ
Ma qenent wallen d ayen-ni

Refrain

Lemer ur yembawi udrar, ig ɛabba ur d ittmiri
Lemer ur llint tudder, ayen illan ur d i ttili
Lemer mačči tisekar,lǧedra tbedel tikli
Lemer mačči d yennayer, ma sɛuntt tuǧal ulli
Ma qenent wallen d ayen-ni

Refrain

Tejra tamaɛlayant, a tazurt n lǧedra
Ik mi ttalin d ilemnẓiyen, wid mu teqqur tasa
D acu is dbun arrac, ayen yesɛan ṣṣifa
Wi bɣan ad idhen laɛrac, iɛiwed aḥles i tt-ɛabga
Ma qenent wallen d ayen-ni

P&M: Zedek Mouloud.
Vitry-Sur-Seine, juin 2020.