【

行政長官李家超早前就發表咗《2024年施政報告》，當中推出支援勞工、解決劏房問題和扶助弱勢社群等嘅政策措施🏘️🧓🏼👵🏻👷🏻‍♂️ 勞聯主席 林振昇 認為今份《報告》顯示到行政長官有一個改革嘅心，希望可以解決香港社會一啲「老大難」嘅問題 💪🏻 報告中採納到勞聯提出嘅建議，包括增加大灣區青年就業計劃津貼、亦放寬學歷要求，希望有更多年青人都可以去大灣區有就業體驗；另外亦都接納咗勞聯在旅遊政策嘅一啲建議📑👏🏻

其中一個亮點就喺劏房方面，終於有個比較大刀闊斧的措施，但劏房數量眾多，林振昇希望政府建立目標，將來有註冊制度，並且按照時間表，能夠立法取締一些不適合居住嘅劏房，並建議政府改善簡約公屋及過渡性房屋配套，以吸引更多劏房居民入住🏠 至於勞工方面，政府將會推動強積金全自由行，林振昇希望明年積金易平台推出後，強積金行政費就會大幅降低，到時再有埋呢個全自由行，對於打工仔女退休嘅累算權益又可能會增加💰📈

此外，過往有唔少媽媽都反映想要多啲託兒服務，而今次《報告》亦回應到「在校課後託管服務計劃」，由本學年起涵蓋範圍由50間小學擴展至超過110間小學，政府亦計劃在2025/26學年鼓勵更多學校參加計劃，名額不設上限，相信服務幫到唔少在職媽媽👩🏻‍🍼👩🏻‍💼👩🏻‍🔧

#勞聯 #工會 #主席 #立法會議員 #林振昇 #振振有詞 #施政報告 #劏房 #強積金制度 #銀髮經濟 #育兒假 #課後託管 #打工仔女 #尊嚴勞動