Woh Shakhs Aik Shaam Mein Kitna Badal Gaya - Amjad Islam Amjad Most Popular Ghazal | Solat Bano

Embark on a journey of transformation with Solat Bano's mesmerizing rendition of Amjad Islam Amjad's most popular captivating ghazal, "Woh Shakhs Aik Shaam Mein Kitna Badal Gaya."

Immerse yourself in the profound verses that explore the depths of human emotion and the fleeting nature of change. Solat Bano's soulful voice delicately conveys the poem's essence, painting vivid imagery with each word.

Let the transformative power of poetry wash over you as you witness the profound impact of a single evening on an individual's life.

#woshakhsaekshaammeinkitnabadalgaya #amjadislamamjad #mostpopular #urdupoetry #solatbano #poetryrecitation #transformation #change #emotions #urduliterature #pakistanipoetry #india

Ankhon ka rang, baat ka lahja badal gaya
Woh shakhs aik shaam mein kitna badal gaya

Kuch din to mera aks raha aaine pe naqsh
Phir youn huwa ke khud mera chehra badal gaya

Jab apne apne haal pe hum tum na reh sake
To kya huwa jo hum se zamaanah badal gaya

Qadmon tale jo reet bichi thi woh chal padi
Us ne chhuraya haath to sehra badal gaya

Koi bhi cheez apni jagah par nahin rahi!
Jaate hi aik shaqs ke, kya kya badal gaya

Ek sar-khoshi ki moj ne kaisa kiya kamaal
Woh be-niyaaz, saare ka saara badal gaya

Uth kar chala gaya koi waqfe ke darmiyaan
Pardah utha to saara tamasha badal gaya

Hairat se saare lafz usay dekhte rahe
Baaton mein apni baat ko kaisa badal gaya

Kehne ko aik sahn mein deewar hi bani
Ghar ki faza, makan ka naqsha badal gaya

Shayad wafa ke khel se ukt gaya tha woh
Manzil ke paas aa ke jo rasta badal gaya

Qaayam kisi bhi haal pe duniya nahin rahi!
Tabeer kho gai, kabhi sapna badal gaya

Manzar ka rang asl mein saaya tha rang ka
Jis ne usay jidhar se bhi dekha, badal gaya

Andar ke mausamon ki khabar us ko ho gai
Is no-bahaar-naaz ka chehra badal gaya

Ankhon mein jitne ashk the, jugnu se ban gaye
Woh muskuraya aur meri duniya badal gaya

Apni gali mein apna hi ghar dhundhte hain log
Amjad yeh kaun shahar ka naqsha badal gaya

Amjad Islam Amjad