გოგა ხაინდრავა რუსეთისთვის გამზადებულ ბომბზე - 21.VIII.2020

21.VIII.2020 - საინფორმაციო სააგენტო პრაიმტაიმის“ პრესკლუბში გამართულ პრესკონფერენციაზე რეჟისორი გოგა ხაინდრავა ქართულ სახელმწიფოში რუსული პროპაგანდისა და გავლენის კონკრეტულ მაგალითს დეტალურად განიხილავს, ფაქტებისა და წყაროების მითითებით. კერძოდ, რეჟისორი საუბრობს რუსეთისთვის გამზადებულ ბომბზე - ერთი წლის წინ დაწყებულ პროექტზე, რის წინააღმდეგაც სულ ახლახანს რუსეთმა მედიასაროსკიპოების ხელით ორკესტრირებული შეტევა განახორციელა. კერძოდ, რეჟისორი საუბრობს: აფხაზეთის შესახებ ფილმების ციკლის გადაღების მოსამზადებელ ერთწლიან სამუშაოზე; რუსული იმპერიალიზმის ორსაუკუნოვანი მოქმედების შედეგზე - აფხაზეთში არსებულ უმძიმეს დემოგრაფიულ ვითარებაზე, გადაშენების პირას მყოფ აფხაზურ ეთნოსზე, იქიდან განდევნილ ქართულ მოსახლეობაზე, რუსეთის მხრიდან აფხაზეთის გამალებულ კოლონიზაციაზე, აფხაზეთში რუსული იმპერიალიზმის ყველაზე მძიმე გამოვლინებაზე - მუჰაჯირობაზე, ანუ საკუთარი ქვეყნიდან, სახლიდან აფხაზების, ქართველების, უბიხების იძულებით განდევნაზე და შაფსუგებისა და აბაზგების მთლიანად განადგურებაზე; 1864 წელს ყველაზე დიდი მასშტაბის გასახლებაზე, მომდევნო 1867 და 1877 წლების გასახლებაზე, როდესაც დაახლოებით 50 000 ოჯახი (აფხაზების, მეგრელების, გურულების) იძულებით გაიყვანეს.
რუსეთის იმპერიის მიერ ამ ფაქტების დამალვითა და ისტორიის გაყალბებით (მუჰაჯირობის ქართველებზე გადმობრალებით) ახალი თაობების აღზრდასა და ერთმანეთთან დაპირისპირებაზე; აფხაზეთში ამჟამად გამძვინვარებულ რუსულ პროპაგანდაზე; აფხაზეთის ომის შემდეგ იქ დაბადებული ახალი თაობის მიერ დასმულ კითხვებზე, მათი წინაპრების ურთიერთდაპირისპირებასთან დაკავშირებით.
საქართველოში არსებული აფხაზეთის ლეგიტიმური მთავრობის ორ მთავარ დანიშნულებაზე - ქართული საზოგადოების ყველაზე დაჩაგრული ნაწილის, დევნილების მოვლა-პატრონობაზე და აფხაზეთში მიმდინარე რუსული იმპერიალისტური პროპაგანდის საპირისპირო ქმედებების განხორციელებაზე.
ორივე მხარის - ქართველებისა და აფხაზების ორმხრივ სურვილზე, მუჰაჯირობის შესახებ ფილმის გადაღებაზე, სადაც კონკრეტულ ისტორიულ წყაროებსა და ფაქტებზე დაყრდნობით სიმართლე იქნება წარმოჩენილი; ამ მიმართულებით გოგა ხაინდრავას მიერ ერთი წლის წინ დაწყებულ მუშაობაზე; აფხაზეთში, კერძოდ სოხუმში ისტორიკოსებთან დაკავშირებაზე და აფხაზი ისტორიკოსების დაწერილ წიგნზე, მუჰაჯირობასთან დაკავშირებით.
საქართველოში რუსული პროპაგანდის სათავეში მდგომ სააკაშვილსა და მის „ნაციონალურ მოძრაობაზე“, ტელესაროსკიპოებზე - „მთავარსა“ და „ფორმულაზე“; რადიო „თავისუფლებასა“ და სააგენტო „ნიუ პოსტზე“. ხსენებული მედიასაშუალებების მხრიდან გოგა ხაინდრავას წინააღმდეგ ერთ კონკრეტულ დღეს განხორციელებულ ორკესტრირებულ შეტევაზე, რა დროსაც მუჰაჯირებზე ფილმის გადაღება დაიგმო და პარალელურად, გოგა ხაინდრავას წინააღმდეგ მორიგი პასკვილი გავრცელდა, რომ თითქოს თეთრიწყაროდან მანგანუმს ეზიდება და რომ თითქოს ფილმის გადასაღებად 100 000 გამოუყვეს, რაც სრული სიცრუეა.
ქართულ-აფხაზური ურთიერთობების კვლევის პროგრამის ფარგლებში, აფხაზეთის კულტურის სამინისტროში განაცხადის შეტანაზე, ფილმების ციკლის „სიმართლე აფხაზეთის შესახებ“ გადაღებაზე, რომლის პირველი ფილმი უნდა ყოფილიყო მუჰაჯირები; მის მიერ წარდგენილი ბიუჯეტის ოდენობაზე, რომლის ორ-მესამედს თავად გოგა ხაინდრავას სტუდია იღებდა საკუთარ თავზე; აფხაზეთის მთავრობის ფარგლებში არსებული კომისიის მიერ განაცხადის განხილვაზე და ინფორმაციის ცენტრალურ ხელისუფლებაში გადაგზავნაზე; ტელესაროსკიპოების განხროციელებული ორკესტრირებული შეტევის შემდეგ აფხაზეთის მთავრობის თავმჯდომარის მიერ აფხაზეთის განათლებისა და კულტურის მინისტრის, ნიჟარაძის დაბარებაზე და ზემოხსენებული პროექტის შესახებ განკარგულების გაცემაზე.
აფხაზებისა და ქართველების საერთო ტკივილზე, მუჰაჯირობაზე ფილმის გადაღების, როგორც რუსეთისათვის საფრთხის შემცველი პროექტის შეჩერებაზე, სააკაშვილისა და მისადმი დაქვემდებარებული მედიასაროსკიპოების ხელით; ხსენებული ფილმის გადაღების მნიშვნელობაზე, განსაკუთრებით ახალი თაობისათვის, რომელიც ამ ფილმის საშუალებით შეიტყობს სიმართლეს და გაიგებს, რომ მათი მტერი, მათი გამანადგურებელი და გენოციდის განმახორციელებელი არის რუსეთის იმპერია და რომ არანაირი კავშირი ქართველებს არა აქვთ, არც მუჰაჯირობასთან და არც იმ უბედურებასთან, რომელიც რუსეთის იმპერიამ კავკასიას დააწია.
აფხაზეთის ლეგიტიმური მთავრობის თავმჯდომარის, ბატონი აბაშიძისთვის დასმულ კითხვაზე - რატომ გააჩერა პროექტი და რა უდევს მის ამ გადაწყვეტილებას საფუძვლად - მედიასაროსკიპოების სიუჟეტები, თუ რაიმე გონიერი მოსაზრება?
გოგა ხაინდრავას ხელთ არსებულ მონაცემებზე - აფხაზეთიდან გასახლებული ყველა აფხაზური ოჯახის ჩამონათვალზე (გვარი, სახელი, ოჯახის წევრების რაოდენობა, სოფელი, გასახლების ადგილი); ბოლო გასახლების დროს (რუსეთ-თურქეთის ომის პერიოდში) რუსეთის მხრიდან აფხაზებისთვის ფულის გადახდაზე, იმისთვის, რომ აფხაზეთიდან იძულებით აყრილი ხალხი დაესახლებინათ არა მოსაზღვრე რაიონებში, არამედ თურქეთის სიღრმეში, რომ თავის სამშობლოსთან კონტაქტი არ ჰქონოდათ.
ფილმების ციკლის უსათუოდ გადაღებაზე და მის საერთო ბიუჟეტის ოდენობაზე - 360 ათასზე, საიდანაც ორ-მესამედს გოგა ხაინდრავას სტუდია გაიღებს, ხოლო აფხაზეთის მთავრობას შეეძლო ერთი-მესამედით გადაღებების დაფინანსება.