shah Abdul latif Bhitai Jo kalam by Sikandar Janyaro | Sur kedaro

#هلو_تڪيا_پسون_تن_جا: #محرم #شھداء #ڪربلا = 02

= Date - 08/07/2024
= Video Numbar - 48

#سُر_ڪيڏارو ۾ ڪربلا جي شھيدن کي ڀيٽا:

مختصر تحرير سان گڏ شھزادن جو شان سائين #سڪندر_جانيارو جي زباني سر #ڪيڏارو مان ورد.

محرم الحرام جي معنيٰ
•·•·•·•·•·•·•·•·•·••·•·•·•·•

محرم الحرام اسلامي ڪئلينڊر جو پھريون مقدس مھينو آهي، جنھن جي معنيٰ آهي ٫٫حرام ٺهرايل يا منع ڪيل،، ڇاڪاڻ تہ ڪائنات جي نبي ڪريم صليﷲعليه وآلهٖ وسلم جن جي زماني ۾ ۽ اُن کان پھرين بہ: هن محرم مھيني ۾ جنگ، جهيڙو ۽ تضاد پيدا ڪرڻ، ڪبيرو گناهہ ۽ حرام ڪري ليکيو ويندو هو. تنھنڪري مسلمان هن مھيني کي تمام گهڻو معزز ۽ معتبر مھينو تصّور ڪندا هئا/آهن، ۽ هن مھيني ۾ روزا رکي عبادٿ پڻ ڪندا آهن، جنھن جو تمام گهڻو ثواب حاصل ٿئي ٿو. ايتري اهميت، عزت، منع ۽ روڪڻ باوجود يزيد محرم مھيني جو ڪو بہ تقدس نہ ڪيو، ۽ هن ئي مھيني جي ڏھين تاريخ تي اقتدار جي بُري لالچ ۾ اچي، نَشٖي ۾ ڌُت بڻجي، ظلم جا سڀ رڪارڊ ٽوڙي، نبي آخر زمان حضرت محمد مصطفيٰ ﷺ جن جي پياري ڏوهٽٖي، حضرت علي عليه السلام ۽ بي بي فاطمہ الزهريٰ جي لختِ جگر، جنت جي سردار حضرت امام حُسين عليہ السلام کي ساٿين سميت شھيد ڪري ڇڏيو. اُن کان پوءِ هر سال محرم مھينو تہ موٽي اچي ٿو، مگر امام صاحبن جي ياد هر مسلمان ۽ مومن مردن ۽ عورتن جي دلين ۾ اڄ بہ زنده آهي. اسلامي دنيا ۾ جڏھين محرم جو چنڊ ڏسبو آهي، تہ مسلمانن جي دلين ڪجهہ هن طرح جا گوندر گڏيل تاثرات هوندا آهن جن جو ذڪر ڀٽ جي ڀٽائي ؒ هيٺين لفظن ۾ هن طرح ڪيو آهي:

ڏِٺـو مُـحَـرمُ ماهُہ، سَنڪو، شَـھِـزادَنِ ٿِيـو،
ڄاڻٖي هٖـيڪُ ﷲُ، پاڻَ وَڻَندِيُون جو ڪَري.
[سُر .. ڪيڏارو، داستان .. پھريون]

مُـحَـرمُ مـوٽِـي آئِـيـو، آئِـيـا تـانۡ نَـہ اِمـامَ،
مَدِينٖـي جا ڄامَ، مولا! مُون کي مٖـيڙِيـٖيـن.
[سُر .. ڪيڏارو، داستان .. پھريون]

مُـحَـرمُ مـوٽِـي آئِيـو، موٽِيا تان نَہ اَمِيــرَ،
مَـدِيـنٖـي جـا مِـيـرَ، ڏاتَـرَ! مُون ڏٖيکارِيـٖين.
[سُر .. ڪيڏارو، داستان .. پھريون]

محرم الحرام جو چنڊ ڏسڻ سان ئي عالَم اسلام ۾ درد، ڏُک، ۽ غم جي فضا ڇانئجي ويندي آهي. هر طرف هر اکَ آلي ڏسڻ ۾ ايندي آهي، ۽ ٫٫يا حسين،، جون صدائون بلند ٿي وينديون آهن. حضرت عباس عليہ السلام جن جي علم پاڪ جي ياد ۾ شھرن، گلين، گهرن ۽ ڳوٺن تي لکين علم پاڪ نمودار ٿيندا آهن. امام بارگاهن ۽ پڙن ۾ شُھداءِ ڪربلا جي ياد ۾ مجلسون ڪوٺائي سندن مانُ، شانُ ۽ اسلام لاءِ ڏنل لازوال قربانيءَ تي عالم ۽ ذاڪر روشني وجهي، کين بيمثال خراجِ عقيدت پيش ڪندا آهن، ۽ شھيدن طرفان ڪربلا جي ميدان تي ڏيکاريل بھادرانا ڪردار صبر، شڪر ۽ ايمان جي اعليٰ نموني کي بيان ڪندا آهن. سال جو پھريو محرم جو مھينو مسلمانن لاءِ انتھائي ڏکن ڀريو ۽ افسوس ناڪ جذبن سان ڏيک ڏيڻ لڳندو آهي ۽ ڪربلا جي ڪوس ۽ قھر تي ڪائنات جا رنگ بہ جهڪا ٿي پوندا آهن. ماڻھو، ملائڪ، پکي، جانور ۽ هن جهان جو ذرو ذرو مُنجهيل ۽ مايوس محسوس ٿيندو آهي. هر طرف هر دل ۾ غمِ حُسين عليہ السلام جو تڏو وڇايل هوندو آهي. غم جي اهڙي ماحول جو منظر ڀٽ جي ڀٽائي ؒ هن طرح بيان ڪيو آهي:

ڏِٺـو مُــحَــرمُ مــاهَہ، سَــنـڪـو شَـھِـزادَنِ ٿِـيـو،
مَـڪٖـي، مَدِيـنـٖـي، ماڙهُـوئٖـيـن، رُنـو مَـٿٖـي راهَہ،
تَنھِن واحِدَ کي واهَہ، جو حُڪُمَ هِهَڙا ئِي ڪَرٖي.
[سُر .. ڪيڏارو، داستان .. پھريون]

حَـسَــنَ، مِـيـرَ حُـسَــيـنَ کـي، رُنـو ٽِــنِ ٽـولَــنِ،
گَهرِ ماڙھُوئين، جَهنگِ مِرُوئٖـين، اُڀَنِ ۾ مَلـڪَنِ،
پَـکِـيَـنِ پـاڻُ پَـڇـاڙيـو، تَـہ لَـڏِيـو هـوتَ وَڃَـنِ،
اَلا! شَـھِـزادَنِ، سـوڀُـون ڏِئــٖــيـن سَـچــا ڌَڻِــي.
[سُر .. ڪيڏارو، داستان .. ڇھون]


ڪـامِـلَ ڪَـربَـلا ۾، اَهۡـلِ بَـيۡــتَ آيـا،
مارٖي مِصۡـرِيَنِ سٖين، تَنِ ڪافِرَ ڪَنبـايا،
سَچُ ڪِ بِيبِيَ ڄايا. هِهَڙا سُورِهَ سُپِرِين.
[سُر .. ڪيڏارو، داستان .. ٻيو]

ڪـامِـــلَ ڪَــربَــلا ۾، آيـا سَـيّــدَ شٖــيــرَ،
مـارٖي مِـصۡـرِيَـنِ سٖيـن، ڍُنـڍَ ڪِيـائُـون ڍٖيـرَ،
دَهلِئا اُتِ دِلـٖيرَ، پَسِي حَملو مِيرَ حُسَيۡنَ جو.
[سُر .. ڪيڏارو، داستان .. ٻيو]

ڪامِـلَ ڪَـربَـلا ۾، آيـا جُـنـگَ جُـوانَ،
ڌَرتِـي ڌُٻِـي، لَـــرزِي، ٿَـرٿَـلِـئـا آسۡـمانَ،
ڪَرَهَہ هُئِي ڪانَ، هو نِظارو نِيهَ جو.
[سُر .. ڪيڏارو، داستان .. ٻيو]

ڪــامِــلَ ڪَــربَــلا ۾ پــاڻَ آيــا پـــٖيــھِــي،
پَـهُ ڪِـئـــائُـون پـــاڻَ ۾، مُـقــابِـلِ وٖيــھِــي،
قَضا هِيَّ ڪٖيھِي، هَيءِ! هَيءِ! ٿِي حُسَيۡنَ سٖين.
[سُر .. ڪيڏارو، داستان .. ٻيو]

ڪامِــلَ ڪَــربَــلا ۾، آيــا اَڄُ اَمِــيــرَ،
وٖيھِـي وٖيـرِنِ سامُـھا، تِـکا هَنيـائُون تِـيـرَ،
هُئِـي اِيَ تَـقـدِيـرَ، اِمـامَـنِ سٖـيـن اَڳَـھِيــن.
[سُر .. ڪيڏارو، داستان .. ٻيو]

مددي ڪتاب:

تحرير - ڪتاب هلو تڪيا پسون تن جا - (مصري مخمور مھيري)
سر ڪيڏارو جا بيت - شاهه جو رسالو - (غلام محمد شاهواڻي)

Join Facebook Guroop Bhit Jo Bhitai
Link _ https://www.facebook.com/share/TsWb3E...

You tube _    / @ahsanalirind-official  

Tiktok _ https://www.tiktok.com/@ahsan_ali_rin...

#ShahBhittai #BhitShah #JiyeLatif
#latifiyat #latif #ShahAbdulLatifBhittai
#SindhiMedia #Sindh #india #کربلا

#هلندڙ... @ہر کوئی @نمایاں کریں

از - حقير فقير احسان علي رند.