,,ჩემი სოფელი-ხორგა" ავტორი: ალიო მირცხულავა, კითხულობს: ბექა მიქაძე

ალიო მირცხულავას ლექსი ჩემი სოფელი - ხორგა
კითხულობს ბექა მიქაძე
ვიდეოს ავტორი: ირაკლი შონია

#ხორგა #ხობი #სამეგრელო #საქართველო
#დედულეთი

ახლა ღამეა... ალბათ, მთვლემარე -
სდუმან კოლხერი ოდა-სახლები,
ციცინათლებით კრთის არემარე
და კანტიკუნტად ჰყეფენ ძაღლები.
ეს ნისლი, - ნამად თავზე, რომ მესხმის,
თითქოს მშობლიურ ბუხრის ბოლია,
მტკვრის ხმაში ხობის ღელვა მომესმის, —
რაც ერთ დროს ჩემს ხმას გამოჰყოლია.
ეს მთვარეც ეზოს დასცქერის, ალბათ,
ახლოს, — ეს როგორც იცის ოდიშში,
დედას. მაგონებს ჭიშკართან ალვა,
ღამეს ათენებს ჩემს მოლოდინში.
ალბათ ისვენებს, დამკვიდრებული,
ყველა მოკეთე და მეზობელი...
და სიჩუმეში ჩაფიქრებული
მიგონებს ხორგა, ჩემი სოფელი.