ردية والعباد الله اعلم بنياتها 2022 | عيضه بن جوده و عبدالله العلاوه-اداء:شبل سفيان وسيف المنصوري
Автор: فارس الخالدي Faris Alkhaldi I
Загружено: 2022-08-02
Просмотров: 1428534
مرحبا بكم بقناتي🔥✨
.
.
اشتراك وتفعيل الجرس 🔔
ليصلك كل جديد 👌🏻👌🏻
.
📲تصميم ومونتاج فارس الخالدي
لطلب تصميم الشيلات على الواتساب فقط
https://iwtsp.com/966535966259
العلاوه له ايام مادري عنه
جابه الحظ صدفه بسوق البلد
اشترا العود واخذ حنوط السدر
والعباد الله اعلم بنياتها
قلت مرت سنه وابتدينا سنه
لاتعذر وبيني وبينك وعد
طاح راس الذبيحه ببطن القدر
والعباد الله اعلم بنياتها
—————————————-
حظك اللي تمناه لاتامنه
والمقادير ماهي على كيف احد
تحسب انك تحكّم بحكم القدر
والعباد الله اعلم بنياتها
اتفقنا على حاجةٍ ممكنه
كانت السبت وش ردّها للاحد
السما فوق والارض باقي حدر
والعباد الله اعلم بنياتها
—————————————
الضماير مفاتيحها الألسنه
والحياه المريره تطلب جلد
حظي طيب ليا كان حظك ودِر
والعباد الله اعلم بنياتها
إطلق الفكر ياخوي لاتسجنه
انتبه للبناء وانتبه للهدد
فوق سبع الاراضين سيل يهدر
والعباد الله اعلم بنياتها
—————————————
لا توصّف لي النار والمدخنه
ياولد نعرف اوصافها ياولد
كم من الناس حَاوَل لكن ماقدر
والعباد الله اعلم بنياتها
صاحب الراي الاول معذّر منه
يوم شاف الفتن حبلها من مسد
مايهدّ الجبل من يهدّ الجدر
والعباد الله اعلم بنياتها
——————————————-
صاحبي ينضح السمن من مدهنه
والمحيم الي صدر وعود ورد
ممكن الذيب سرحان ماينغدر
والعباد الله اعلم بنياتها
من يضيع شداده يضيع ارسنه
تونس العلم ذلحين ولابعد
اسكن القصر وترك بيوت الخدر
والعباد الله اعلم بنياتها
——————————————
الذهب صافي اللون من معدنه
والاوادم معادن بروح وجسد
المصدّر ورد والمورّد صدر
والعباد الله اعلم بنياتها
ارهن المال والقلب لاترهنه
احتمى الدم فالقلب والا برد
السلامة من الشك ممّا ندر
والعباد الله اعلم بنياتها
—————————————-
كل معدن في سوقه يجيب اثمنه
انطلبت المدد جاك عون ومدد
اسر في تالي الليل ولا ابتدر
والعباد الله اعلم بنياتها
لونشدنا عن العله المزمنه
والقلوب الي خيم عليها الحسد
عذربو في سنام الجزور الفدر
والعباد الله اعلم بنياتها
—————————————-
فيه ميزان قبل الشِرى يازنه
يمكن الوزن ماهو بقدّ العدد
تغرب الشمس ويبين نور البدر
والعباد الله اعلم بنياتها
ماتهم العلل والدوا نضمنه
عقدوها وجا من يحل العقد
حَلّها عندنا ياوسيع الصدر
والعباد الله اعلم بنياتها
Доступные форматы для скачивания:
Скачать видео mp4
-
Информация по загрузке:
