Atajan Tagan bilen söhbetdeşlik

Atajan Tagan...

Türkmenistanyň sungatda at gazanan işgäri, ýazyjy Atajan Tagan Russiýanyň Prezidentiniň Permany bilen «Russiýa Federasiýasynyň medeniýetde at gazanan işgäri» diýen hormatly at berlen ilkinji türkmen ýazyjysy hem ilkinji türkmenistanly.

Atajan Tagan nowellistika žanrynyň ussady hökmünde türkmen edebiýatynyň taryhynda ilkinji gezek daşary ýurtda (Berlin – 1990) «Hekaýalar agşamy» geçirilen ýeke-täk türkmen ýazyjysy.

Atajan Tagan türkmen edebiýatynyň taryhynda ilkinji gezek başga ýurduň döwürleýin žurnalynda («Jahon adabiýoti» — Daşkent — 2014) romany tutuşlygyna çap edilen ýeke-täk türkmen ýazyjysy.

Atajan Tagan türkmen edebiýatynyň taryhynda ilkinji gezek kitaby daşary ýurtda (Germaniýa) rus dilinde çap edilip, bütin dünýäniň onlaýn-kitap dükanlaryna ýaýradylan ýeke-täk türkmen ýazyjysy. (2014ý)

Atajan Tagan öz döredijiliginiň daşyndan dünýäniň nusgawy edebiýatyndan 6 roman, 4 powest, 20 hekaýa, 5 pýesa terjime eden ýeke-täk türkmen ýazyjysy.

Atajan Tagan eserlerinden 5 kinofilm, 7 pýesa goýlan dramaturg däl ýazyjy.

Atajan Tagan türkmen edebiýatynda gündelik-esse («Kyrk ýylda ýazylan kitap») döreden ilkinji ýazyjy.

Atajan Tagan eserlerine tanymal hünärmenleriň dürli dünýä dillerinde 70-den gowrak seljerme makalasy çap edilen ýeke-täk türkmen ýazyjysy.

Atajan Tagan türkmen edebiýatynyň taryhynda ilkinji gezek daşary ýurtda – ABŞ-nyň Nýu-Ýork şäherinde çykýan «Dünýäniň sesi» («WORLD VOIСE») gazetinde «Keseki» romany dolulygyna çap edilen ýeke-täk ýazyjy. (2016)

Atajan Tagan «Halk ýazyjysy» däl halyna-da «Neýtralnyý Turkmenistanda» hem Özbegistanyň «Şark zuýesi» gazetiniň «Bir tomirdan suw içgan birodarlik» makalasynda «Otažon Togan. Turkmeniston halk ýozuwçisi» diýlen ýeke-täk türkmen ýazyjysy.

Atajan Tagan türkmen edebiýatynyň taryhynda ilkinji bolup, dirikä «Özüne nekrolog» ýazan ýeke-täk türkmen ýazyjysy. 2016 ý.