Əgər Sevirsənsə, Niyə Qorxmursan?! | Ustad Pənahian

Mətn: Əgər Sevirsənsə, Niyə Qorxmursan?! | Ustad Pənahian

Bu həyatda nədən qorxursunuz? İnsan nədən qorxur? Qazancını itirməkdən, həyatının sonundan, əzabdan, ilahi əzabdan! Bərəkəllah! Lap yaxşı. Maşallah. Nədən qorxursan? Rəngi ağarmış bir nəfər İmam Əlinin (ə) yanına gəldi. Elə bildi ki, arif olub. İmam (ə) soruşdu: “Niyə rəngin ağarıb?” O dedi: “Allahın qorxusundan”. İmam dedi: “Günah eləmə ki, qorxmayasan. Allah qorxudan deyil.” Onun hal-əhvalı pozuldu. Arifliyi aradan getdi. “Niyə qorxursan?” “Allahdan qorxuram”. “Nədən qorxursan? İlahi əzabdan? Günah eləmə ki, qorxmayasan. Allah ki, heç kimi məcbur eləmir”. Əmirəl Muminin (ə) bir şeyi qeyd elədi ki, həyatın ən yüksək dərəcəsində ki, əsl həyat odur, mömin bir şeydən qorxar - Allahın sevgisinin əvəzini verə bilməməkdən. Allahın sevgisinin qarşısında bir şey edə bilməyəcəyindən qorxur. Deyilib ki, “Mömin qorxusuz yaşamır”. Niyə? Çünki möminin qəlbində Allaha güclü məhəbbəti olar. Azan veriləndə İmam Əlinin (ə) rəngi ağarardı. Ondan soruşdular: “Sənə nə olub? Axı azan veriləndə insan ancaq namaza gedir. Nə olub sənə? Sənin ki, heç müharibədə rəngin qaçmazdı. Azan deyiləndə rəsmən rəngin qaçdı! Rəng alıb, rəng verirsən!”. İmam Əli (ə) cavab verdi: “Bu o vaxtdır ki, bizə böyük əmanət verən kəsin qabağında cavab verməliyik. Bilirsiniz Allah mənə nə lütf edib? O əmanət nədir? O əmanət insan olmaqdır. Mən onun məhəbbətinə qarşılıq vermək istəyirəm. Amma qorxuram layiqincə qarşılığını verə bilməyim”. O, eşq aləmindədir. Aşiq olduqlarını iddia edən şəxslərdən soruşmaq gərəkdir ki, “Haradadır sənin qorxun?” “Haradadır sənin qorxun?” Sən hələ eşqi dadmamısan. Bu cür iddia eləmə. Hamıdan daha çox aşiq olan Əmirəl-Muminin (ə) idi. Allahı ən çox sevən kəs İmam Hüseyndir (ə). Gördünüz nə elədi? Əlbəttə, bu aşiqlər qorxudan danışanda, bəzən Cəhənnəmdən də danışırlar. Amma onlar özləri bizə deyiblər onların Cəhənnəmi necədir. Onların Cəhənnəmi Allahdan uzaq olmaqdır, nəinki od, atəşdir. Bu, Kumeyl duasında deyilib. Onun Allahdan ayrı qalmaq haqda çox danışmamasının səbəbi bu hərəkəti kobudluq saymasındandır. “Mən cəhənnəmdən danışıram. Amma Allahım, sən bilirsən mən nə demək istəyirəm”. Kumeyl duasının sonlarında bir cümlə var ki, məsələni aydınlaşdırır. “Ey Rəbbim, tutaq ki, əzabına dözdüm, bəs sənin ayrılığına necə dözüm?”
Tutaq ki, əzabına dözdüm. Məgər kimsə o əzaba dözə bilər? İmamın əzab deyərkən nəyi nəzərdə tutduğunu başa düşün. Onların Cəhənnəmi Allahdan uzaq olmaqdır.

Mənbə:    • ترس تو این حیات شما چیه ؟؟؟__استاد پناهیان  

Bizi sosial mediada izləyin:
Facebook:   / qirilmaz.ip  
İnstagram:   / qirilmaz.ip  
Telegram: https://t.me/qirilmazip