Diaspor işsiz-gücsüz, avara adamların yeri deyil... - DABF funksionerindən ittiham dolu açıqlamalar

Təəssüf ki, bəzi hallarda diaspor işinə yaşadığı yerdə heç bir ictimai çəkisi olmayan, dil bilməyən adamlar cəlb olunur. Diaspor işsiz-gücsüz, avara adamların yeri deyil, ciddi admların işidir.
Bu açıqlama ilə Dünya Azərbaycanlılarının Beynəlxalq Fondunun həmtəsisçisi, İsveç Azərbaycanlıları Konqresinin sədri Emil Mirzəyev çıxış edib.
O, bildirib ki, yeni yaranmış Dünya Azərbaycanlılarının Beynəlxalq Fondu diasporumuza dəstək verəcək, ağıllı, imkanlı, dövlətimizə töhfə verə biləcək insanların bu işə cəlb olunmasında mühim rol oynayacaq.
Fondun yaranmasının həmvətənlərimizin marağına səbəb olduğunu dilə gətirən E.Mirzəyev bir müddət sonra təşkilatın yeni layihələri barədə məlumatın veriləcəyini bildirib.