Kuv Txiv Tus Zoo Tswv Ntuj - Ali Chang (Instrumental w/ Lyrics)

Please enjoy! Thank you so much!

Lyrics:
Body 1:
Kuv txiv koj muaj nuj nqi tshaj rau kuv
Koj yog kuv tus me zoo tswv ntuj
Koj hlub kuv kawg koj lub siab ntsws
Kuv yuav nco ntsoov mus tas ib sim

Kuv txiv siab zoo tus kuv hlub e...
Tau ntau xyoo dhau los koj tus mob
Nws yeej tsis zoo pheej loj zuj zus
Yog vim txoj hmoo los tau ntawv phem

Chorus 1:
Lub ntuj tsaus ntais ntiaj teb tsaus nti
Kuv leej txiv txoj sia pa tus nrho
Qi muag nti tso peb cov niam tub
Kuv lub siab mob tshaj hluav taws kub

Body 2:
Zaum no kuv txais tau txoj kev ntsuag
Hauv qab ntuj no tsis muaj leej twg
Lub ntsej muag zoo li kuv txiv lawm
Yuav mus nrhiav kuv txiv qhov twg os

Hnub no peb cov nus muag ntsuag no
Txoj kev tsaus ntuj nws los caum tau
Lub teeb cig ntawm peb txiv ploj mus
Zaum no leej twg yuav los hlub peb

Music Break

Chorus 2:
Kuv tseem hlub kuv txiv tsis tau txaus
Ntshe yuav tu kuv siab mus txog hnub laus
Tsis tsim nyog txiv yug kuv ib zaug
Ncej puab ua tog zaum npab rau ncoo

Body 3:
Kuv leej txiv koj mus dua twg lawm
Cas sawv ntxov tsaus ntuj los tsis pom
Koj los nrog peb noj tshais noj hmo
Thiab hu xov tooj tuaj nrog kuv tham

Kuv yuav nco koj txhua lo lus zoo
Kuv txiv siab zoo tus neeg siab ncaj
Thov koj rov los ua kuv txiv dua
Kuv mam hlub koj tshaj tiam no mog

End