Tramp Rusiyanı dayandırmaq üçün Ukraynadan nə istədi?

Mənə təbii sərvətlərinizi verin, müharibəni bitirim. Trampın daha bir arzusudur. Təxminən elə belə deyir. Ukraynaya yardım müqabilində nadir torpaq elementlərini istəyir. Yəni, Ukraynanın təbii sərvətlərini. Deyəsən, Zelenski təklifdən məmnundur. Sərvətlərimiz Rusiyaya qalmaqdansa, qoy elə Tramp istifadə etsin deyir. Təki Tramp Ukraynanı Rusiyanın caynağından qurtarsın. Sən demə bu, Zelenskinin öz “Sülh planı”nda var imiş. Təbii ki, bütün bunlar müharibə bitəndən sonra ola bilər. Üfüqdə isə hələ ki, sülh görünmür. Rusiya Ukraynanı vurur, Ukrayna Rusiyanın Kursk bölgəsində irəliləyir. Məlumatlara görə, gələn həftə Münxen Təhlükəszilik Konfransında Trampın gözlənilən planı açıqlanacaq. NBC News kanalı iddia edir ki, ABŞ rəsmiləri arasında bu məsələdə parçalanma var. Bir qrup Putini istefaya sövq etmək üçün təsir vasitələrini vacib sayır. Digər qrup isə münaqişəni daha tez sonlandırmaq üçün Ukraynaya yardımın kəsilməsini istəyir. Bu ikitirəliyin arasında Ukraynada müharibənin necə başa çatacağı məlum deyil. Tramp administrasiyası hər iki tərəfin güzəştə getməli olacağını deyir. Zelenski isə Rusiyadan qorunmağın yollarını axtarır. Onun üçün bu yol nüvə silahına malik olmaqdan keçir.


Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet