დავით ქობალიას რეპორტაჟი ჯავახეთიდან, 1989 წ.: ოდეს კაცსა... PKTV-ს "სკივრიდან ამოღებული კადრებში"

● გვესტუმრეთ: https://pktvgeorgia.ge/index.php
● შემოგვიერთდით:   / pktv.ge  
აღდგენილია PKTV-ის მიერ, სექტემბერში, 2025 წ.
რეპორტაჟი მესხეთ-ჯავახეთის რეგიონში ჩაწერილია 1989 წლის ივნისში.
დაგვიკავშირდით: (032) 2 18 25 19 (ცხელი ხაზი); (+995) 574 60 34 43 , 592 777 311
ტელეკომპანია PKTV-ს საავტორო რუბრიკა"სკივრიდან ამოღებული კადრები", გთავაზობთ ჟურნალისტ დავით ქობალიას 1989 წლის სპეცრეპორტაჟს მესხეთ-ჯავახეთის რეგიონიდან, რომელიც მომზადდა იმ დროის საქართველოს ტელევიზიის სახალხო მეურნეობის მთავარი რედაქციისთვის, რუბრიკაში "ოდეს კაცსა დაეჭირვოს"...
მონტაჟი სპეციალურად PKTV-ს ეთერისთვის: თამარ ლაშხის, 2025 წ.
აქ გთავაზობთ გადაცემის ავტორის, ჟურნალისტ დავით ქობალიას მოკლე ანოტაციას ამ გადაცემის თაობაზე:
ქვეყნის ისტორიაში არის პერიოდები, ჟამთასვლას რომ არ ემორჩილებიან და ისინი ისეთივე აქტუალურები რჩებიან, როგორადაც წლების წინ წარმოჩინდნენ.
ასევე არიან ადამიანები, რომელთა ნამოქმედარი, გადადგმული ნაბიჯები ვერ შეცვალა ჟამთასვლამ და ისინი დღესაც ისეთივე აქტუალურია, როგორც მაშინ, როცა ჩვენს სამშობლოს ჯვარზე გასაკრავად ამზადებდნენ და მაშინაც, როცა სატანამ აღასრულა თავისი საქმე!
ასეთთა რიგს მიეკუთვნება ოცდათექვსმეტი წლის წინანდელი, ეკომიგრანტი აჭარელი ქართველების გადმოსახლება სამცხე ჯავახეთში და მაშინდელი, სამეცნიერო საწარმოო გაერთიანება „ელვას“ პროფკავშირის კომიტეტის თავმჯდომარის ომარ გრიგოლაშვილის ინიციატივა, რომელსაც მთელი საქართველო აჰყვა და როგორც მაშინ იწერებოდა:
– ჯავახეთში იდგა ჟამი აღმშენებლობისა, იდგა ჟამი ქართველთა აღზევებისა!
– 1989 წლის 9 აპრილის ტრაგედია გამოვლილ საქართველოს, ათი დღის თავზე ახალი განსაცდელი დაატყდა აჭარაში, მაგრამ გასაჭირმა, გატეხვის ნაცვლად ერთმუშტად შეკრა ქართველობა და 90–ს მიტანებული ჩუნჩხელები ტარიელ ბერიძე და რომან თეთვაძე აღტაცებას ვერ მალავდნენ – ამდენი ქართველი ამ კუთხეში, მეორე მსოფლიო ომის მერე არ გვინახავსო!
შემოთავაზებული ტელეგადაცემა 36 წლის წინანდელი საქართველოს უახლოესი ისტორიის გადაშლილი ფურცელია, რომელიც მხოლოდ ნახვით არ აღიქმება, მას გონიერი წაკითხვაც სჭირდება.
ჩვენო ძვირფასო ტელემაყურებელო და მკითხველო:
_ საქართველოს ისტორიის ეროვნული სულისკვეთებით გაჯერებული პერიოდის ამსახველ ვიდეომასალას, ასეთივე მიმწოდებელი სჭირდება, რადგან სხვანაირად, იგი საქართველოში ანგაჟირებული ტელევიზიების პარტიულ–ჯაშუშური პროპაგანდის ნიაღვარს დაემგვანება და მის მორევში ჩაიკარგება.
საბედნიეროდ დიდი ძიება არ დაგვჭირვებია ისე მივადექით, საქართველოში ლამის ერთადერთი ეროვნული სულის ტელევიზია PKTV-ის!
ამიერიდან, PK TV-ის საქვეყნოდ ცნობილ რუბრიკას „სკივრიდან ამოღებული კადრები“ გასული საუკუნის ქართულ–ეროვნული სულისკვეთებით გაჯერებული, კიდევ ერთი დოკუმენტური, ისტორიული მასალა მიემატება.
ვფიქრობთ, ეს ფაქტი მავანთა მიერ, ქვეყანაში შემოგდებულ ანტიქართულ, ანტიეროვნულ მუხტს განტვირთავს და ჭეშმარიტების გზასაცდენილ ნაწილს დააფიქრებს მის საქციელზე!
დასასრულს:
„ჯავახეთის აღორძინების კომიტეტის“ ვეტერან წევრთა და დამფუძნებელთა სახელით,
მადლობას ვუხდით, ქვეყნის ერთიანობის და მისი სიწმინდის სადარაჯოზე მდგომი ტელევიზიის „PK TV“-ის დამფუძნებლებს და მის სულისჩამდგმელებს, ჩემს კოლეგებს, –ქალბატონ ქეთი სესიაშვილს და ბატონ ზაქარია როჭიკაშვილს , უანგარო და დაუღალავი თანადგომისთვის!
უფალი იყოს ჩვენი შემწე, მღვრიე მორევად ქცეული, საქართველოს უახლესი ისტორიის დაწმენდის საქმეში!
დავით ქობალია, პუბლიცისტი, ჟურნალისტი"
დანარჩენს რეპორტაჟიდან შეიტყობთ.
გვიყურეთ ჩვენ, ტელეკომპანია PKTV არ მოგატყუებთ!
● © PK TV მაუწყებლობა და მედია ᴴᴰ ● #PKTV

●