ŠTORIJA O MAJSTORI - Mirjana Bobuš

ŠTORIJA O MAJSTORI - Mirjana Bobuš
Mirjana Bobuš / Mirjana Bobuš / Mauro Staraj

13. Festival čakavske šansone „ČAnsonfest – Kastav 2017.“, 25.08.2017.


ŠTORIJA O MAJSTORI
--
LANI SAN SE PRESELILA, MIĆI STAN KUPILA
RABILO JE SE MINJAT I PUNO TOGA UDELAT
RABI KI ĆE VODU ŠTEMAT, ONAJ KI ĆE CIJEVI KLAST
BILIT, PITURAT, PLOČICE STAVLJAT

ČETIRI MAJSTORA, ČETIRI KRALJA
SE RASKOPANO, DELU NIKAD KRAJA

JEDAN JE DOŠAL, VIDEL I PROŠAL, REKAL JE – ĆU VAS ZVAT
DRUGI JE MULJAL I BRADU TRLJAL – TO ĆE VAS PUNO KOŠTAT
TIŠLJAR JE BIL, POL TOGA STORIL
I POGODITE ČA – DO DAN DANAS SE NI JAVIL

ČETIRI MAJSTORA, ČETIRI KRALJA
SE RASKOPANO, DELU NIKAD KRAJA

MAJSTORI, MAJSTORI, PRAVI STE MAHERI
NI VAN POSAL NI MALO LAK, MA ZNATE NAN DIGNUT TLAK
MAJSTORI, MAJSTORI, SI STE BAŠ POSEBNI
NI VAN POSAL NI MALO LAK, MA ZNATE NAN DIGNUT TLAK

SE BUTIGE SAN PASALA, SIH UPOZNALA
POČELI SU ME ČUDNO GLEDAT
KO DA ĆU NEKU VILU GRADIT
SVIH ĆU VAS LIPO JA POSLAT V RIT
ČEKAJUĆ VAS, SAN POLUDELA
I VAGUN ŠOLDI JA POTROŠILA

LAJLA LALA, LAJLA LALA ...

ZIJALA BIN, MA OSTAT ĆU DAMA
I ZNATE ČA? – STORIT ĆU SE SAMA!

--
© Udruga "Kanat" Kastav i "Grafik studio" Rijeka, 2017.