استخدم هذا الفيتامين لعلاج مرضك المناعي

عامل زي مشرط الجراح، مهم جدا جدا جدا، لكن حساس جدا جدا جدا.. لو استخدمته صح تقدر تحل مشاكل كبيرة وتغير مسار صحتك تماما
واحد من اقوى واهم اهم مضادات الاكسدة في الجسم
داعم مهم جدا للجهاز المناعي، ومهم جدا لصحة الجهاز العصبي لأن فيتامين اي يعتبر حارس المايلين شيت الغشاء اللي بيغلف الخلايا العصبية وبيحميها من التلف
بيساعد الجهاز المناعي بيحسن وظيفة التمييز بين الأجسام الغريبة وأنسجة الجسم نفسه، وبالتالي يقلل من فرص الهجوم الذاتي، وبيساعد في تنظيم نسبة خلايا Th1/Th2 وده مهم جدًا في أمراض المناعة الذاتية
معظم الامراض المناعية والالتهابية بتحصل بسبب خلل في توازن الخلايا المناعية
أمراض المناعة الذاتية المرتبطة بفرط Th1: التصلب المتعدد، السكري النوع الأول، كرونز، الصدفية، الروماتويد، خمول الغدة الدرقية
فيه كمان أمراض المناعة الذاتية أو الحساسية المرتبطة بفرط Th2: الربو، الأكزيما، التهاب الأنف التحسسي، زيادة الحساسية الغذائية، الذئبة الحمراء، الوهن العضلي الوبيل، التصلب الجلدي
أمراض نتيجة خلل في التوازن بين Th1 وTh2 (مش بس فرط في واحد): زي التهاب القولون والذئبة ومتلازمة شوغرن مثلا
فده معناه ان كل الحالات دي هتستفيد جدا من دخول فيتامين اي لنظامها بجرعات علاجية، او على الاقل جرعات وقائية عشان يحصل تنظيم لتوازن الخلايا المناعية دي، فبالتالي نقدر نستعيد توازن وتنظيم الجهاز المناعي
لو ماعندكش اي امراض من اللي ذكرناها وصحتك كويسة وماشي على نظام غذائي صحي ونمط حياتك صحي عموما، ممكن تكتفي بالاكل، وتركز على الاكلات الغنية بفيتامين اي
الافوكادو، اللوز، زيت جنين القمح، زيت الزيتون، الكبدة، صفار البيض، والاسماك الدهنية
فيتامين اي نفسه بقى لازم تنظم الجرعات وتاخد فيتامين اي بالصيغ الطبيعية
ماينفعش بأي حال من الاحوال ان جرعتك من فيتامين اي تتجاوز 400 مليجرام، يفضل 300 كمان ده اقصى حاجة في الجرعات العلاجية
ولو بتاخد مسيلات دم او عندك مشاكل في تخثر الدم اوعي تقرب من الجرعة دي
لو محتاج الجرعة دي وهتاخدها ماتستمرش عليها اكتر من 8 اسابيع وبعد كدة هتنزل لجرعة احترازية
اللي هي اد ايه؟ اللي هي 50 مليجرام، وبرضو ممكن تمشي عليها 6 اسابيع وتقطعها وترجعلها تاني بعد فترة، لكن ماتمشيش على مكملات فيتامين اي باستمرار لفترات طويلة
ممنوع منعا باتا ناخد فيتامين اي بصيغته الاصطناعية
لو بصيتوا على السبلمنت فاكتس ولقيتوا الكلمة دي dl-alpha-tocopherol acetate اعرفوا ان دي كدة صيغة اصطناعية
الصيغة الطبيعية اسمها توكوترينولز، دي الصيغة الوحيدة الامنة والفعالة واللي مش بتسبب مشاكل لو استخدمناها بالطريقة اللي شرحتها