富貴千團丨湯洛雯爆富婆張寶兒投資勁賺錢 黃子恆傅嘉莉教賺錢組織「軍團」

富貴千團丨湯洛雯爆富婆張寶兒投資勁賺錢 黃子恆傅嘉莉教賺錢組織「軍團」

TVB劇集《富貴千團》有好多財技，逐一拆解並唔容易，呢集講湯洛雯同張寶兒深入一間投資學院做卧底收風搵料，靚湯大讚寶兒喺現實中投資搵錢好叻，由於寶兒買股票投資有道，一早已成為小富婆。

靚湯拍《學是學非》已知寶兒係投資達人，買咗廿幾隻股票睇住上落，又聽過寶兒買軍事股，大爆寶兒賺好多錢，之不過靚湯就唔敢下注買股票，因為自己喺投資方面一概唔識，感覺冇安全感就唔會做；寶兒笑指老公袁偉豪同靚湯都係金牛座，亦係唔會玩股票嘅人。

寶兒坦言投資主要睇分析嗰間公司嘅整個架構或公司背景，就好少用到啲財技用詞。同劇嘅黃子恆同傅嘉莉喺學院化身教主同導師，遊說別人報名同投資，加入佢哋「賺錢軍團」，傅嘉莉笑言自己完全唔識理財，對金融一竅不通，佢要喺劇中扮識又要講talk，非常考演技。

此外，黃子恆覺得劇中有一句對白講得好，就係「錢只係工具 錢唔係最終目的」，黃子恆好認同呢講法，最重要係學識投資自己。

#富貴千團 #劇集 #財技 #湯洛雯 #張寶兒 #投資有道 #股票 #學是學非 #軍事股 #靚湯 #股票 #黃子恆 #傅嘉莉 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0