thanksgiving ua Vajtswv tsaug - hu rau thanksgiving

Xyoo lub xyoo txuj hnub Thanksgiving
Ib lub suab Vajtswv txoj kev hlub
Ua nws pub rau cov ntseeg txhua tus
Ntau tshaj peb xav siab tshaj lub ntug
Peb suav tsis txheeb peb paub tsis tau

Ib puas tsav yam yog Vajtswv li
Hluav taws dej nag huab cua daus te
Xyoob ntoo qoob loo tsiaj txhu nas noog
Khoom siv txhua yam thiab tej vaj tsev
Yog Vajtswv pub rau peb txhua tus

Vajtswv tuav peb muaj txoj sia nyob
Txhua tsev tib neeg nyob ruaj khov kho
Muaj ris muaj tsho muaj no muaj haus
Kev txawj kev ntse laj lim tswv yim
Vajtswv pub rau peb muaj txhij txhua

Cov ntseeg sawv daws ua Vajtswv tsaug
Nws txoj kev hlub mas loj kawg nkaus
Nrog peb ua ke tuav rawv peb tes
Tsob kab tsom kwm txhua txoj hau kev
Txhua tus tau txais Vajtswv koob hmoov

Thov Tswv Yesxus foom koom ncuav hmoov
Rau cov ntseeg kom noj qab nyob zoo
Xyoo tshiab txhua tus nyob luag li ntxhi
Ua tau lub neej kaj siab li nrig
Mauj tswv yim zoo ua Vajtswv num