مجرور الامطار 2

شجاع بن عبدالله مرزوق المقاطي

———————————————

مونتاج برق الحجاز
السناب: tsmim1 التيك توك: brq_0

——————————————

يالله تجيب الخيال اللي يدف الخيال
تركز بروقه وجاي لراعده زلزله

اليا ارتوت به تهامه ساق يم الجبال
غطة ثعوله مشاريف الجبل واسفله

انا شفوفي وسجاتي بروس الطوال
في مرقبً جعل همال المطر يدهله

اطرد وراء اللي من الزيله يجيها جفال
بالنبدق اللي تدق الصيد في مقتله

تدرج خطايه وراء خطوة كريم السبال
شيخً فعوله تعز الراس ومجمله

وردني الشيخ ابن مرزوق عدً زلال
واشفيت وارويت مضما الكبد من منهله

يا مرحبا بأسم ابن مرزوق واسم الرجال
اللي لهم في سفوح الطايله منزله

ذوي عسيود ليا جا للمنافس مجال
تقدم على الكايدات وتكسب الاوله

في راي من مجلسه مقطاع حق وعقال
شيخ يفك النشب ويخلّص المشكله

معيض لا كبرت الدعوه وطال الجدال
سنّد عليه الدعاوي كلها وازهله

على يمينه مقر الطيب ذرب الخصال
النادر اللي رجال العرف ما تجهله

محيل ابو بندر اللي فزعته راس مال
سبحان من جمله بالفزعه وكمله

من يزبنه من ظروف وقل حيله وحال
ما يقفي الا وكل علومه مبتله

شيوخ ربعي وافاخر يوم هم لي خوال
والفضل للي جعلّي في خوالي صله

من عزوةً فعلها بالطيب مضرب مثال
لاد المقاطي سنام المجد والمرجله

امجادهم سطروها يوم سود الليال
تقبل بكبر الصدوف وتقفي محمله


كلمات:
سيف عبدالله المقاطي