مهداه الى متعب ناصر الجلال | كلمات : بندر القرقاح | اداء : خالد ال بريك ( حصريا )

مهداه الى متعب ناصر الجلال

كلمات : بندر القرقاح
اداء : خالد ال بريك
فيديو : نهل

الابيات 🔻

عاد للجلال رده
ردةٍ تشفي الغلايل

وقفوا ياصلب جده
ياعريبين السلايل



خيّلت فالدار غرا والرعد نسمع رزيمه
وجه الارض يصير لوحة رسم لاهلت مطرها

ايتناثر وبلها ويهل ودانه وديمه
والاراض الممحله عقب المطر يثمر زهرها

والبدو تسهج على مشها ابلها فجوج الخريمه
والحيا متبوع دام ان كل وادي سال وارها

واقطعو خضر الفياض وذعذع الغربي نسيمه
في مشاهي ذودٍ يروح العمر فدوة وبرها

عارفين ان الزمن دوار والدنيا مقيمه
وعارفين ان الرجال افعال ماهي في صورها

وعارفين اهل الشداد وعارفين شداد ريمه
ومن يثمن قيمته عند النشاما ماخسرها

واحدٍ مايفتخر بالطيبين امه عقيمه
والقصيده جبت يالجلال فيك اطيب دررها

البس البشت الحساوي انت من تعطيه شيمه
الهروج ابلا دلايل ليلةٍ غايب قمرها

انت يالجلال لك عندي وانا القرقاح قيمه
تفتخر فيك السهول ونفتخربك من فخرها

انت يامتعب ولد ناصر مفاهيمك سليمه
العلوم يدورون الناس دايم مختصرها

للمعاريف اتخوى من طيبك وقو العزيمه
مانت مثل اللي بدرب المرجله مالله ومرها

كل ماشفناك قلنا يالصتيمه يالصتيمه
والسهول تماري بطيبك وتحذف لك غترها

درسّك من خرج الاجيال طيبه وتعليمه
شايبً مافيه هامة مجد قبلك ماسبرهـا

مايورّث للسهول الا الصواريم العديمة
وانت من روس السهول اهل الفعول ومن جبرها

في ذرا بشته ظلال وفي يمينه جود غيمه
ماذخر وقفته للي وصل يمه ماذخرها


وانتم سهول الفعايل حاظر الوقت وقديمه
عزوةٍ فالمجد والتاريخ مكتوبـه سيرها

متعبين الغوج لاجات المواقيف الجسيمه
يوم مردود البرى والقوم تحمى عن ديرها

محتمينٍ بـأم خـده دون زاهيت الوسيمه
تحذفون الروس عند اخفوفها ولا نحرها

والصحيح ايصح مانظلم ولاقلنا ظليمه
والهروج ابـلا دلايـل ليـلةٍ غـايـب قمرهـا



تنبيه لأصحاب القنوات : جميع الأعمال حصرية ونسخ أو تحميل المحتوى وإنتهاك حقوق النشر يعرض حسابك وقناتك للإغلاق