أحسب إنك يا صدى ما تبيد إلا الحديد .‫

أحسب إنك ياصدى ماتبيد إلا الحديد
‏واثرك تبَّيد قلوب الأوادم ياصدى

‏الحديد أشوى ليا باد يصنع من جديد
‏والقلوب أوضاعها من تردي في ردى

‏والنصيحه للردي مثل تعليم البليد
‏ماترده عن نويّه ليا منه غدى

من ردى حظه تقول إن في متنه هريد
يعتذر مايسلم ويجنح ويحدى

وإن جلس في مجلس الحق جاب ام العبيد
قال انا ماني مدور عشا ولا غدى

ما درى إن الصلح بين الأوادم يوم عيد
مثل ما قال الجنوبي عسى الدنياء فدى

أشهد إن الرفق والصلح ثوب ما يبيد
ما تبيّدها الليالي على طول المدى

وغلطة الرجال ياخذ بها درسٍ مفيد
لا يكررها توديع في قلع محدى

يعتذر ويسلم الحق ويكب الهبيد
لا يدور للعدى ما على القوم معدى

لاتحود على القدى من بعيد ليا بعيد
لين تلقى لك خصيمٍ يحود على القدى

إنقض الحجه بحجه وبالعلم الأكيد
لايحدونك على الجال شرسين العدى

وإن بليت بعيتن لايحوز ولا يصيد
حط من بينك وبينه عوارف ورشدى

وأقبل الميسور لا جوك بالعلم المفيد
لا تمادي واحد منتهي ماله مدى

وإن بليت بجاهل سابقه من دون قيد
لا توريه الجفى سايره لين يهدى

وأترك الضلع ترا مالضلاع فيد
سوقها يضعفك لو إنك أكبر من شدى

أشهد إن البعد عنها على مشراف حيد
خير من كثر التوجد ومن قل الجدى .