Park (1983)

12+
Adi günlərin birində neftçilərin briqadiri Marat sahədə olarkən dostu onun yanına gəlir. Marat onu uşaqlıqdan tanıyırdı. O, xudbin, özünü sevən bir adam idi. İndi də buraya el-belə gəlməmişdi. Dost dissertasiya müdafiə etmək üçün mütləq mədəndə təcrübə işləri aparmalı idi. Guya bu təcrübə neft hasilatını qat-qat artıracaqdır. Lakin təcrübə keçirilən müddətdə cari planı təhlükə altına qoyacaq. Dostun vaxtilə ona etdiyi xəyanətə baxmayaraq, Marat təcrübəni keçirməyə icazə verir.
Film Rüstəm İbrahimbəyovun “Park” povestinin motivləri əsasında çəkilib.

Rejissor: Rasim Ocaqov
Ssenari müəllifi: Rüstəm İbrahimbəyov
Operatorlar: Rafail Qəmbərov, Yuri Voronsov
Rəssam: Fikrət Bağırov
Bəstəkar: Emin Sabitoğlu
Rollarda: Fəxrəddin Manafov (Marat), Qalina Belyayeva (Vika), Mikayıl Kərimov (dost), Stanislav Sadalski (Kamil), Abbas Kazımov (yazıçı), Aleksandr Kalyagin (Gena), Qalina Polskix (Matiss)

İstehsalçı: Azərbaycanfilm, Lenfilm (Rusiya)
İlk baxış tarixi: 30.01.1984
Janr: dram

Mükafat:
XVII Ümumittifaq Kino Festivalı - təşkilat komitəsinin xüsusi mükafatı (1984, Kiyev / Ukrayna)