Astarada yerli şəraitə uyğun 10 min “miaqava” naringi sortu əkiləcək

Astarada sitrus bağları genişləndirilir. Rayonda yeni salınan bağlarda ötən ildən başlayaraq xarici ölkədən gətirilən sortlar əkilib. Məhsuldarlığı ilə seçilən bu naringi sortları eyni zamanda şaxtaya da davamlıdır. Rayonda bu sahə ilə məşğul ola biləcək gənc aqranomlara da ehtiyac var.

Astarada sitrusçuluğa maraq xeyli artıb. Artıq bu sahənin inkişafı istiqamətində işlərə də başlanılıb. Bunun üçün ötən il rayona İrandan Yaponiya sortu gətirilib. Yeni sortlar 5 hektar ərazidə kompakt şəkildə, həmçinin fərdi təsərrüfatlarda əkilib.

Astara Rayon Kənd Təsərrüfatı İdarəsinin aqronomu İlkin Zülfüqarov: “Rayonumuza 10 min ting “miaqava” sortu gətirilib. Yerli şəraitə uyğunlaşan sortdur. Onun yerli sortdan fərqi biraz qabığı nazik və sululuğu çoxdur”

Fermer Sədail Qasımov: “Əsas üstün cəhəti odur ki, həm şaxtaya davamlıdır, həm də məhsuldarlığı çoxdur. Bir ağac məhsuldarlığa düşdükdən sonra ondan təxminən 300-600 kq arası məhsul yığmaq mümkündür. Əgər aqrotexniki qaydada ona qulluq olunsa biz o məhsuldarlığı əldə edə bilərik.”

Yeni sortlar əsasən dağətəyi ərazilərdə əkilib. Mütəxəssislərin sözlərinə görə əkin zamanı bu məqamlara diqqət etmək lazımdır.

Astara Rayon Kənd Təsərrüfatı İdarəsinin aqronomu İlkin Zülfüqarov: “Çalışmaq lazımdır ki, yerin üstündə qalsın, əkilən zamanbitkinin üst hissəsindən qayçılanır ki, bitki kol şəklində inkişaf etsin. Bu da bitkinin məhsuldarlığına əsir edir.”

Fermerlər deyir ki, yeni sitrus ağaclarına qulluq etmək üçün ixtisaslı aqronomlara da ehtiyac var. Məsələni Astara Rayon Kənd Təsərrüfatı İdarəsinin rəis əvəzi Etibar Abbasov da təsdiq etdi. O, bu problemi aradan qaldırmaq üçün həm Gəncə Dövlət Aqrar universiteti, həm də Lənkəran Dövlət Universiteti ilə əlaqə saxlanıldığını bildirdi.

Astara Rayon Kənd Təsərrüfatı İdarəsinin rəis əvəzi Etibar Abbasov: “Bizim zonadan olan tələbələri müəyyənləşdirmişik. O, tələbələrə hər cür şərait yaradılacaq ki, onlar öz təcrübələrin burda keçsinlər və təhsillərini başa vurduqdan sonra işlə də təmin olunacaqlar.”

Astara rayonunda 2248 hektar sahə olan sitrus bağları, bu il 102 hektar artlrılaraq 2350 hektara çatdırılıb.