சும்மா ஓட்டு போடாதீங்க | தேர்தல் விழிப்புணர்வு காணொளி | Election Awareness video

உலகெங்கும் பரவி வாழும் உறவுகள் அனைவருக்கும் வணக்கம் ...களத்தில் நிற்கும் அனைத்து கட்சிகளாலும், சுயேட்சை வேட்பாளர்களாலும் அவரவர்களின் சக்திக்கு தகுந்தாற்போல் படைகளை திரட்டி நாடாளுமன்ற தேர்தலுக்கான பிரசாரங்களும், வாக்கு சேகரிப்பு நிகழ்வுகளும் நம் நாடு முழுவதும் நடந்தேறிக் கொண்டிருக்கின்றன. ஒவ்வொருவரின் வாக்குகளையும் தங்களது சின்னத்திற்கே பெற்றுவிட வேண்டும் என்ற எண்ணத்தில் பரிசு பொருட்களும், பணமும் கொடுத்து எப்படியேனும் பெற்றுவிட முனைப்பாய் உள்ளன. அவற்றை தடுக்கும் முயற்சியில் நமது தேர்தல் ஆணையமும் பல்வேறு கட்ட சோதனைகள், ஆய்வுகளை மேற்கொண்டு கட்சிகளின் ஓட்டுக்கு பணம் கொடுக்கும் முயற்சிகளை தங்களால் முடிந்த வகையில் தடுத்து வருகின்றது. இதற்காக அரசுக்கு ஆகும் செலவு மிகப்பெரியது.

நம்மை ஆளும் உரிமையை தகுதியான ஒருவருக்கு கொடுக்கும் உரிமையும், நமக்கான நல்ல தலைமையை தேர்ந்தெடுக்கும் பொறுப்பும், நம் நாட்டின் வளர்ச்சியும், நம் குழந்தைகளின் எதிர்காலமும், நாம் தேர்ந்தெடுத்து, நம்மை ஆள நம்மால் அனுப்பப்படும் ஆட்சியாளர்களின் பொறுப்பில் தான் உள்ளது. எனவே பணத்திற்காகவோ, பரிசு பொருட்களுக்காகவோ, சின்னத்திற்காகவோ, நாங்கள் வழக்கமாக ஓட்டு செலுத்துவது பழக்கம் என்றோ, அம்மா அப்பா சொன்னதுக்காகவோ, நண்பர்கள் போட சொன்னார்கள் என்றோ, என் சாதியை சேர்ந்தவன், என் மதத்தை சேர்ந்தவன் என்றோ வெறுமனே வாக்களிக்காமல் யோசித்து நல்ல முடிவாய் எடுத்து நல்லவர்களுக்கே உங்கள் வாக்கை செலுத்துங்கள்... நல்லவர்களை தேர்ந்தெடுத்து நம்மை ஆள அனுப்புவோம்... நம் நாட்டின் வளத்தை, இயற்கையை, நிலத்தை, காத்து நம் வருங்கால சந்ததியினருக்கு நல்லதை மட்டுமே கொடுக்க நல்லவர்களுக்கே வாக்களிப்போம்...சிந்தித்து வாக்களிப்பீர்...

நன்றி

குழந்தைகள்

தர்சன்
ஹர்ஷன்
ஹரிஷ்
கனிஷ்கா
கணிதா
ரோஷினி
தர்ஷினி
ரியா
தேவேஷ்
ரோஹித்