ياعزة النفس ارحبي | كلمات عناد الشيباني - أداء جفران بن هضبان

.
.
لايك + اشترك معنا 🔔✔️
وفعل التنبيهات في قناة عناد الشيباني الرسمية
للحصول على أحدث إصداراته الفنية
https://cutt.us/YRGFV

ـ
كلمات : عناد الشيباني
أداء : جفران بن هضبان
هندسة : عبد الرحمن الشهري
تسجيل استوديو : تون لايف
تصميم : ناصر البقمي Nasser I
__

لمتابعة عناد الشيباني عبر وسائل التواصل الإجتماعي
Twitter : https://cutt.us/uLTix تويتر
Snapchat : https://cutt.us/RGGJc سناب شات

كلمات -

وشلون اتوب من التجول فالسباريت الوساع
وانا اليا مني تلقيت .. الخلا ضاع تعبي …!

اشرب هوى ربي بعز القيض و يروح الصداع
واقول عادي كني اشرب كوب شاهي مغربي

عزالله ان الصده .. ام العز وام الاختراااع
ياراحة البال ارحبي يا عزة النفس ارحبي

مارخيت راسي واعشق الطاله واحب الارتفاع
الناس في كوكب وانا لحالي واعيش بكوكبي

والعالم اللي صابها خوف ومذله لـ النخااااع
مدري عليها نقص .. والا جايها شرٍ وبي

ليت الشجاعه توخذ وتنباع من دم السباع
مثل ما كانو ياخذون المسك من دم الظبي

لقيت نفسي يوم جربت الوصل والانقطاع
حتى لو اني مستحيل .. اثني عزومي واركبي

البعد نوع من السعاده .. والسعه والاقتنااع
هو راس مالي فالحياه وعز راسي مكسبي

الا المواجيب الكبار البعد عنها اكبر ضياع
اقولها واحمي كلامي واتستدل بـ مذهبي

ترى معاريف النشاما .. تستحق الاندفاع
حنا نحب الطيب واهل الطيب والاش يهبي

من ينكر المعروف حتى لو تنكر بالقنااااع
يضحك على نفسه بنفسه يحسبنه مختبي

وانا على الماجوب عندي قو عزوم وطول باع
الله يطول عمر ابوي .. اللي معرب منسبي

حكم البناخي عند خاله فالهجوم وفالدفاع
الخال والد والعوايد من جهل فيها غبي

ياراعي الوضح التلاد .. اللي غلاها فـ ارتفااع
ورث الجدود اللي سبت قلبك محبتها سبي

من يوم جدي مات وانت تقول والله ماتباع
من حبها ما قلت يكفيني ليا غبت الصبي !

خذ راحتك عند البكار الوضح قدر المستطاع
والحفل كله جل همه .. كان تسمع مطلبي

انا ياخالي محتري تاريخ هالفرحه يذاع
من يوم عمري حول ست وتو منصور يحبي

منصور يا منصور ترحيبك وصل كل البقاع
معاد باقي غير تشرح مرحبا … لـ الاجنبي

اخاف بكره يحسبونه حرب ويطول النزااااع
للي ما يفهم قيمة الترحيب عند اليعربي

والا انت ترحيبك على حب الكرم والاجتماع
كنك تقول المرجله في سد دقني وشنبي

منصور يا منصور حسب المعرفه والاطلاع
الحر نادر وانت نادر صدق يالحر الابي .. !

واليا سمعت اللي يقول الكثره تغلب الشجاع
قله شعاع النور يجتاح الظلام الغيهبي ..!

ما انت بـ وحيد وربعك العتبان مافيهم رعاع
حنا إخوانك .. واضرب الكايد وسو اللي تبي

ترى النبي مالله عطاه اخوان غير من الرضاع
وانا افتخر يوم انت ابن خالي وانا خال النبي

يالمذهلي ما طاول ذراعك على الطاله ذراع
وقفت لـ اجل المرجله وقفة كليب التغلبي

ابحرت في مدحك وضيعت السفينه والشراع
وانا ادري انه من سبب طيبك مهوب من سببي

وش عاد اقول وذكرك الطيب مع العربان شاع
يا شوق ترفات البنات اللي تستر بـ العبي

كملت نص الدين .. والدنيا متاعٍ في متاع
عقب البطاله شد حيلك لـ الداوم المكتبي

وقف وناظر لـ العزوبيه بنظرات الوداع
واحجز على اقرب طايره لـ القاهره والا دبي