تەحسین دوسکی فەرموودین نەوەوی 42 \ tahseen duske farmoden nawawe 42
Автор: ISLAM IS LIFE / اسلام حياة
Загружено: 2022-10-30
Просмотров: 47
عن أنس - رضي الله عنه – قال: سمعت رسول الله صلى الله عليه وسلم يقول: ( قال الله: يا ابن آدم، إنك ما دعوتني ورجوتني غفرت لك على ما كان فيك ولا أبالي، يا ابن آدم، لو بلغت ذنوبك عنان السماء، ثم استغفرتني، غفرت لك، يا ابن آدم، إنك لو أتيتني بقراب الأرض خطايا، ثم لقيتني لا تشرك بي شيئا لأتيتك بقرابها مغفرة ).
رواه الترمذي
ژ ئه‌نه‌سى خودێ ژێ رازى بت دبێژت: پێغه‌مبه‌رى سلاڤ لێ بن گۆت: خودێ گۆت: كوڕێ ئاده‌مى! هـنـدى تو داخوازێ ژ من بكه‌ى، وهیڤیێ ژ من بكه‌ى، د سـه‌ر وێ ڕا یا ته كرى، ئه‌ز دێ گونه‌هێن ته ژێ به‌م، وئـه‌ز ب چو ڤه وه‌رناگرم، كوڕێ ئاده‌مى! ئه‌گه‌ر گونه‌هێن ته بگه‌هنه عه‌ورێن عه‌سمانى، پاشى تو داخوازا ژێبرنێ ژ من بكه‌ى، ئه‌ز دێ وان بۆ ته ژێ به‌م، كوڕێ ئاده‌مى! ئه‌گه‌ر تو بێیه نك من ب تژى عه‌ردى گونه‌هـ ڤه، پاشى ڕابه‌رى من بى وته چو شریك بۆ من چێ نه‌كربن، ئه‌ز ب تژى عه‌ردى لێبۆرین ڤه دێ ئێمه نك ته.
ترمذى ڤه‌دگوهێزت
مه‌زنیا ڤێ حه‌دیسێ ژ هندێ دئێت، ئه‌و مه‌زنیا ته‌وحیدا خودێ بۆ مه به‌رچاڤ دكه‌ت، وگرنگیا خۆ دویركرنا ژ شركێ، هه‌ر وه‌سا ئه‌و دوعا وتۆبه وئستغفاران ل به‌ر مه شرین دكه‌ت، وبه‌رفره‌هیا ره‌حم ودلۆڤانیا خودێ بۆ مه ئاشكه‌را دكه‌ت، دا ئه‌م بێ هیڤى نه‌بین، وگونه‌هـ مه ژ هندێ سست نه‌كه‌ن كو ئه‌م ل خودێ بزڤڕین، ودوعایان بۆ خۆ ژ وى بكه‌ین.
وچه‌ند ئه‌گه‌ر هه‌نه گونه‌هێن مرۆڤى پێ دئێنه ژێبرن، ژ وان یێن كو ژ ڤێ حه‌دیسێ دئێنه وه‌رگرتن:
1- كرنا دوعایێ:
ودوعا كاكلكا عیباده‌تییه، چونكى ئه‌و نیشانا خۆشكاندن وهه‌وجه‌ییا مرۆڤیه بۆ خودێ، هه‌ر وه‌سا ئه‌و ئعترافه‌كا ئاشكه‌رایه ژ مرۆڤى ب خوداینیا خودێ، وكو ب تنێ ئه‌وه دشێت د هه‌وارا مرۆڤى بێت، ومرۆڤى ژ هه‌مى ڕه‌نگێن ته‌نگاڤیان بپارێزت.
2- هیڤى:
به‌لكى گونه‌هێن مرۆڤى گه‌له‌ك بن، به‌لێ ئه‌و چه‌ند بن ئه‌و ژ ره‌حما خودێ پتر نابن، و ژ مه‌غفره‌تا وى به‌رفره‌هتر نابن، له‌و دڤێت هه‌مى گاڤان مرۆڤ یێ ب هیڤى بت، ویا دورست ئه‌وه د گه‌ل ڤی هیڤیێ ترس ژى هه‌بت، دا مرۆڤ بێ منه‌ت نه‌بت.
3- ئستغفار:
ومه‌عنا ڤێ ئه‌وه مرۆڤ داخوازا ژێبرنا گونه‌هان بۆ خۆ ژ خودێ بكه‌ت، وژێ بخوازت كو ئه‌و وى ستاره بكه‌ت، ولێ نه‌گرت ئه‌گه‌ر جاره‌كێ ئه‌و به‌ر ب گونه‌هێ ڤه چوو.
4- ته‌وحید وخۆ دویركرنا ژ شركێ:
وته‌وحید ئه‌وه مرۆڤ هه‌مى ڕه‌نگێن عیباده‌تى بۆ خودێ ب تنێ پێشكێش بكه‌ت، وكه‌سێ نه‌كه‌ته شریكێ وى د ڤێ چه‌ندێ دا، نه چو ملیاكه‌ت وپێغه‌مبه‌ران، ونه چو چاك ووه‌لیان.. هندى عیباده‌ته به‌س بۆ خودێ دئێته‌كرن.
وكانێ چاوا ته‌وحید دبته ئه‌گه‌را ژێبرنا گونه‌هان، وه‌سا شرك دبته ئه‌گه‌ر پویچبوونا باشیان، وه‌كى دئایه‌ته‌كێ دا هاتى: ( وَلَقَدْ أُوحِيَ إِلَيْكَ وَإِلَى الَّذِينَ مِن قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الْخَاسِرِينَ ﴿٦٥﴾ ) (الزمر: 65) مه‌عنا: شرك ئێكا هند ژ خودانى چێ دكه‌ت كو ئه‌و چو مفایى ژ كارێ خۆ یێ چاك نه‌بینت، و ژ مرۆڤێن خوساره‌ت بێته هژمارتن.
مفایێن حه‌دیسێ:
1- ئه‌ڤ حه‌دیسه گرنگیا ته‌وحیدا خودێ د په‌رستنێ دا ئاشكه‌را دكه‌ت.
2- گونه‌هێ، ئه‌گه‌ر چه‌ند یا مه‌زن ژى بت، ئه‌گه‌رێن ژێبرنێ هه‌نه، ودڤێت چو جاران مرۆڤ ژ ره‌حما خودێ بێ هیڤى نه‌بت.
3- گرنگیا دوعایێ وئستغفارێ ژى ژ ڤێ حه‌دیسێ ئاشكه‌را دبت.
و ب ڤـێ حه‌دیسێ ئه‌و حه‌دیس ب دویماهى دئێن یێن ئیمامێ نه‌وه‌وى خودێ ژێ رازى بت كۆم كرین.. وپشتى وان هه‌شت حه‌دیسێن دى هه‌نه، ئیمامێ ناڤدار (ئبن ره‌جه‌بێ حه‌نبه‌لى) لێ زێده كرینه، د كتێبا خۆ (جامع العلوم والحكم) دا، ل ڤێرێ بۆ پتر مفایى ئه‌م دێ وان هه‌شت حه‌دیسان ژى شرۆڤه كه‌ین.
Доступные форматы для скачивания:
Скачать видео mp4
-
Информация по загрузке:
