#ZawarHussainGohar

Adnan Hussain Official

Jey Fursat Haee Ey Zuhair Bhira Pegham Hussain as Da Aya Meda Bakht Lutinda Dekh Tan Wanj


Noha Khawan : Matami Sangat Ali as Un Wali Ullah Rasheed Pur Jhang


Poet : Zawar Hussain Gohar


نوحہ
جے فرصت ہئی اے زہیرؑ بھرا پیغام حسینؑ دا آیا میڈا بخت لٹیندا ڈیکھ تاں ونج
لُٹ پئے ونجنڑی ہے اُمتیاں نے میڈا حوصلہ ہے ازمایا میڈا بخت لٹیندا ڈیکھ تاں ونج


میں آپے یثرب نئیں چھوڑیا تصدیق ایہا ہر طور کریں
تو کر نہ کر اعتبار میڈا پر قسم تے لازمی غور کریں
میکوں قسم ہے بھینڑ دے محمل دی میں توں اُمتیاں وطن چھڑایا میڈا بخت لٹیندا ڈیکھ تاں ونج


اُموی بازار ءِچ عرصہ توں میڈے سر دی قیمت طے تھی گئی
ہنڑ کفن بہتر تے چونٹھ ردا ایہو مال غنیمت طے تھی گئی
پگ تھی گئے فدک دی ملکہ دا ہنڑ نئیں بچدا سرمایا میڈا بخت لٹیندا ڈیکھ تاں ونج


سجادؑ دیاں اکھیاں بخت میڈا مَس لہٰندا اکبرؑ بخت میڈا
عباسؑ دے بازو بخت میڈا میڈی بھینڑ دی چادر بخت میڈا
ایں بخت سمیت ثقیفیاں کوں میڈا وسنڑ پسند نئیں آیا میڈا بخت لٹیندا ڈیکھ تاں ونج


بھلا دھیاں کونڑ رُلیندا ہے انہاں جنگلاں وچ میڈیاں رُل گئیاں
بھلا بھینڑیں کونڑ ٹُریندا ہے اینجھے سفراں وچ میڈیاں ٹُر پئیاں
بے وطناں نال مسلماناں جنگ دا ماحول بنڑایا میڈا بخت لٹیندا ڈیکھ تاں ونج


گوؔہر شاہؑ آکھے آ تاں سہی ول رہ نہ رہ تیڈی مرضی ہے
میڈے چہرے دی مظلومی پڑھ ول بہہ نہ بہہ تیڈی مرضی ہے
محرومہ ماء دا پُتر جو ہاں مظلوم ہے میں سڈوایا میڈا بخت لٹیندا ڈیکھ تاں ونج


کلام ۔ زوار حسین گوؔہر ( ڈیرہ غازیخان )
طالبِ دعا ۔ عدنان حسین ( وسنال،چکوال )



#adnanhussainofficial
#kalamzawarhussaingohar
#zawarhussaingohar
#hussaingohar
#oldsraikinohay
#nohaysraiki
#oldnohayhussaingohar
#zawarhussaingoharnohay
#nohayzawarhussaingohar
#nohayzawarhussaingoharsraiki
#nohayhussaingohar
#kalamhussaingohar
#sraikinohayold
#sraikinohaynew
#poethussaingohar