ټرمپ پر ګرينلنډ ولکې لپاره پر خپلو پلانونو ټينګار کړی او وايي دا کار به کېږي - بي بي سي نړۍ دا وخت

د امریکا ولسمشر ډونلډ ټرمپ پر خپلې دې غوښتنې يو ځل بيا زور راوړی، چې هېواد يې دې ګرینلنډ وپېري. ده د ټولنيزو رسنيو پر خپل چنل، ټروت سوشل، پرون ناوخته ويل، ناټو شل کاله ډنمارک ته ويل، د روسانو ګواښ دې له ګرينلڼډه لرې کړي، خو ډنمارک نه دی توانېدلی، په اړه يې هېڅ هم وکړي. دا پرمختيا داسې مهال راځي، چې اروپاييو مشرانو د ولسمشر ترمپ تعرفو پر وړاندې د شونو ځوابي تدبيرونو پر سر خپل بحثونه روان ساتلي دي. ټرمپ د هغو اتو ملګرو هېوادونو پر ضد تعرفې لګولې، چې د ده د ګرينلنډ پلانونو مخالفت کوي. د شنبې پر ورځ ده ويل، د فبرورۍ له لومړۍ به د بريتانيا، ډنمارک، ناروې، سويډن، فرانسې، جرمني، ندرلنډز او فنلنډ پر وړاندې لس سلنه تعرفې لګوي. دا تعرفې چې له دغو هېوادونو پر وارداتو ماليه ده، د جون پر لومړۍ به ۲۵ سلنې ته لوړېږي. اروپاييو مشرانو پر دغو پلانونو کلکې نيوکې کړې دي. د ملګرو ملتونو له لوري هم نیوکې شوې دي. بريتانیا کې د بي بي سي ټوډې خپرونې سره يوې ځانګړې مرکې کې د ملګرو ملتونو سرمنشي انتونيو ګوتېرېش پر امريکا تور لګاوه، چې د نړيوال قانون له معيارونو بهر واک او ځواک کاروي.

#BBCNarayDaWakht #BBCPashtoTV #BBCPashto

0:00 بي بي سي نړۍ دا وخت
0:07 د سر خبر
0:27 پر ګرينلنډ د ډونلډ ټرمب د ولکې ګوتڅنډنه
1:29 د اروپاييو مشرانو او ملګرو ملتونو غبرګون
2:10 د ټرمپ ګوتڅنډنې ته غبرګونونه څه دي؟
4:42 پر ډېوېس اقتصادی غونډې د ټرمپ دريځونو اغېز
5:48 د ټرمپ دريځونو په اړه د انتونیو ګوتېرېش څرګندونې په څه معنا دي؟
8:54 کابل کې چاودنه
9:33 کراچۍ کې د اورلګېدنې مرګژوبله
9:54 اسپانيا کې د اورګاډو ټکر
10:28 پوتين ته د غزې سولې پلاوي کې د ګډون بلنه
10:49 د سولې جايزې په اړه د ناروې لومړي وزير ته د ولسمشر ټرمپ ليک
11:22 جاپان کې د وختي ټاکنو بلنه
12:00 لوبې، اوونیزه خپرونه

Subscribe for more videos: https://www.youtube.com/c/BBCPashto?s...
Youtube:    / @bbcpashto  
Like us on Facebook:   / bbcpashto  
Follow us on Twitter:   / bbcpashto  
Instagram:   / bbcpashto