Қаржы нарығындағы ақпараттық қауіпсіздік жөніндегі жаңа қағидалар

Ақпараттық және киберқауіпсіздік департаментінің бас маманы Жанель Елтай қаржы нарығындағы ақпараттық қауіпсіздік жөніндегі жаңа қағидалар жайлы айтап берді:

"Қаржы нарығын реттеу және дамыту агенттігі ақпараттық қауіпсіздік жөніндегі қағидаларды бекітті. Олардың мақсаты – клиенттердің дербес деректерін қорғауды арттыру және киберқауіптер тәуекелдерін азайту.

Жарияланғаннан кейін 10 күн өткен соң «Qainar» жүйесін пайдалану жөніндегі нормалар күшіне енді. Енді оған тек IT-бөлімшелер ғана емес, сондай-ақ банктердің ақпараттық қауіпсіздік орталықтары да қосылады. Бұл оқыс оқиғалар туралы деректермен жылдам алмасуға қауіп-қатерлерге тезірек ден қоюға мүмкіндік береді.

2025 жылғы 1 қарашадан бастап мобильді банк қосымшаларын қорғаудың күшейтілген шаралары, атап айтқанда:
• Мобильді қосымшаға жаңа құрылғыдан кірген кезде міндетті түрде қайта бірдейлендіру;
• Микрофон қосулы кезде мобильді банкингті бұғаттау;
• Бұзу әрекеттерін қоса алғанда, барлық күдікті іс-әрекеттер туралы жазбаларды сақтау;
• Клиенттерге кірудің сәтсіз әрекеттері туралы хабарлау;
• Ақпараттық қауіпсіздік және алаяқтықпен күрес жөніндегі бөлімшелердің функцияларын бөлу;
• Реттеушіге оқыс оқиғалар туралы тек «Qainar» жүйесі арқылы ғана емес, телефон арқылы да хабарлау мүмкіндігі;
• Кемінде үш жылда бір рет қауіпсіздікке қатысты міндетті сыртқы тексерулер күшіне енеді.

Онлайн қызметтер мен мобильді қосымшалар сенімдірек болады. Клиенттердің деректері жақсырақ қорғалады, ал алаяқтық тәуекелдері айтарлықтай төмендейді."

#ҚНРДА #киберқауіпіздік