ودعت روحي | الرادودعيسى هارون | ليلة تاسع من محرم 2025م - 1447هـ

وداعك يالأكبر ودعّت روحي
وجدامك غدت تتراكظ جروحي

يبني و من رحت
بدموعي صحت
علي يبني علي يبني علي
*

بهونك يبني يل كلّي مشه ابكلك
وين تروح خل اعيوني تندلك
يبني ريت صوت ادموعي يوصلك
وتسمع ياعلي ضل گلبي شيگلك

اتدوهن عليك و ينشدهـ بالي
يبني ياعلي يا اغله كل غالي

اشگد بيك افرحت
بدموعي صحت
علي يبني علي يبني علي
*
يبني ياعلي يل كلك ابكلي
اشتاخذ مني من اتروح شتخلي
يبني اخلاف عينك بالعمر شلي
اشلون اصبر الفگدك يالولد گلي

كلي ابكلك ايروح اشيضل مني
و اصواب اليكتلك راح يكتلني

حگي لو نحت
بدموعي صحت
علي يبني علي يبني علي
*

يا شبهـ النبي و سبحان من صوّر
نفس العود لا اطول و لا اگصر
شي گالت فزع من النجف حيدر
ما عرفت علي طر لو علي الأكبر

يل چنك علي بثمنطعش عمره
من يتعصب ابعصابته الصفره

لمن لووّحت
بدموعي صحت
علي يبني علي يبني علي
*

عگبك راح اعيشن حسبتي ابعيده
وبعدك هالعمر لو ساعه ما ريده
حگي ابچي عليك و اسكن البيده
وتگول الناس هذا انجن عله اوليده

يا نعم الولد يا حاصل اسنيني
انسه اشأنسه من روحي اشينسيني

من شفتك طحت
بدموعي صحت
علي يبني علي يبني علي
*

يا محصول عمري ردتك التالي
آنه لو رحت و امچاني ضل خالي
انته اتصير ابو و للعايله والي
يبني ارجع على لا تكتل آمالي

يبني لو رحت وياك اخذ روحي
لا شماتي تسمع ونتّي و نوحي

رحت ما روحت
بدموعي صحت
علي يبني علي يبني علي
*

يبني خل يلوموني اليلوموني
لو ابچي عليك و يعمن اعيوني
اخاف اعليك چنت من اليشوفوني
تمشي اوياي حسادي و يحسدوني

و عين امك يبويه الجيتك اربيه
وعمتك من مصابك خايفه اعليه

يل بيك اربحت
بدموعي صحت
علي يبني علي يبني علي
*

إنتاج اللجنة الإعلامية
بحسينية السنابس الشرقية

#نعي​
#نواعي​
#البحرين​
#المنامة​
#السنابس​
#العراق​
#كربلاء​
#النجف​
#سامراء​
#بغداد
#البصرة​
#مكة​
#المدينة​
#سوريا​
#مشهد​
#قم​
#لندن​
#محرم​
#عاشوراء​
#الحسين​
#الشهيد​
#نعي​
#نعي_حزين​
#موكب_الزنجيل
#مجالس_حسينية
#حسينية_السنابس_الشرقية​
#زنجيل