ბიძინა ივანიშვილის წერილი

2012 წლის პირველი ოქტომბრის გამარჯვებიდან 13 წლის თავზე „ქართული ოცნების“ საპატიო თავმჯდომარე ღია წერილს ავრცელებს.

მიღწევები, შეცდომები, საფრთხეები და შიდა და გარე მტრები, რომელიც დღემდე საქართველოსთვის მთავარ გამოწვევად რჩება - ვრცელ წერილში არაერთი თემაა აქცენტირებული. ბიძინა ივანიშვილი „ქართული ოცნების“ ხელისუფლების  მთავარ მიღწევად უწყვეტ მშვიდობას და ეროვნული სუვერენიტეტის შენარჩუნებას ასახელებს, თუმცა აცხადებს, რომ შიდა და გარე მტრები ქვეყანაში არეულობის მოწყობას ამ დრომდე ცდილობენ. ღალატი გუნდის შიგნით, სუვერენიტეტის წინააღმდეგ მიმართული ქმედებები  და ოპოზიციისა და მესამე სექტორის მცდელობები გარე ძალების დახმარებით ქვეყნის სათავეში უცხო ინტერესების მორჩილი ძალები დაიბრუნონ - განვლილი და მიმდინარე პროცესების ერთობლიობას „ქართული ოცნების“ დამფუძნებელი ბეწვის ხიდზე სიარულს ადარებს და საზოგადოებას ახსენებს, რომ დამოუკიდებლობის შენარჩუნებას მუდმივი ბრძოლა სჭირდება. ამ ბრძოლის ნაწილად განიხილავს ბიძინა ივანიშვილი 4 ოქტომბერსაც და საზოგადოებას არჩევნებში აქტიური მონაწილეობისკენ მოუწოდებს.    

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.