1- شـنو تـشوفون 2012 - Dj DeViL

الأغنية الأولى من ألـبوم الـمؤامرة

كلمات الأغنية
شـنو تـشوفون

الإنـترو
فيني هم ما يطلع بـالورقة والقلم
فـباستغل صوتي لـعل وعسى يرجع اللي انهدم
وينك يا بدر تغيرت واختربت
وانعفست وتركت عين أمك اللي دمعت
شوف نفسك في عيون الناس تعلى
وفي عيون أهلك إنت المصيبة والدعلة
كل مشكلة تكون فيها موجود
بينك وبين المعاصي إنهدمت الحدود

الـمقطع الأول
يا ريت كتابة الأغاني كان الدافع
اللي يخليني أوصل صوتي لـكل واحد سامع
التغيير في حياتي كل ماله ينحدر
منو في هذول البشر ما يعرف بدر
بـالسيارة ولابس فنيلة مدريد
والشيفاز مثل الدم بـالوريد
وين أول اللي كان الدخان أكبر ذنوبي
الحب لعب فيني والطيبه سيدة عيوبي
عيل أحب انسانه والمستقبل يرفضنا
وأنا متعلق فيها وأقول الموت ما يبعدنا
حتى لو ابتعدنا تكون أهي ملكي
محد ياخذها مني طول ماني عايش بتم أشكي
لكل اللي يسمعني إكرهني
لا تسمع حق واحد صار ينخمر وأهو يغني
الكحول تسري وتسري في دمه
والكوكايين مثل الهوا يشمه

الـمقطع الـثاني
بين كل جملة .. تلقون شهقة
دربي الفني أتمنى أحرقه
لكن التفكير بـالجمهور يخليني أعجز
وبدل لا انتهي اصمم إني انجز
اسمعيني فرصة وحدة امهليني
خليني اتكلم ولو لـمرة وحدة بدون لا تقطعيني
صوتي في الأغنية لازم تسمعينه
وقلبي للحين يفكر فيج ما راح تمنعينه
يفكر يسهر يبجي يتحسر
من القهر كـأنه ثلج من الحرارة يتكسر
ولكن كل يوم اشوف نظرات البنات لي
وأنا مرتفع فوق والسبب تأثير البيكاردي
منو فيهم تستاهلني وقلبي تستاهله
والتكرار مستمر وأنا ادور حل هـالمسألة
ولكن الحل الوحيد والأكيد
إني أنتهي فاشل في الإختيار والتحديد

الـمقطع الـثالث
حياتي الحين مني متبرية
الذنوب والمعاصي في جسمي متهنية
دنيا اللي غيرتني جذي
واللي يقهرني إن في من يبي فيني يقتدي
تقتدي في واحد حياته تترسها خطايا
تقتدي فـاللي ارتكب في نفسه جنايا
شوفني واسألني شنو اللي استفدته
حطب ناري بـإيديني شعلته
لو يعود الزمن لي ورا شوية بـس
كنت بتعلم من حياتي هذي درس
لكن ذنوبي تشدخ فيني وترضخ
شنو بـسوي وأنا في حياة البرزخ
انا راكب سيارتي وأزيد في السرعة
ومن الحزن من عيوني تنزل دمعه
رايح للـموت بعد ما اخذ مني
كل إنسان حبيته ووعدتني ما يتركني
خلوني وخروا عني لا تمسكوني
محد يبي بدر كلهم على شان الشهرة يبوني
طول عمري ولا لقيت اللي توفيلي
قحاب هـالسنة مادري من وين طالعيلي
خلو العلاقات لكم وعطوني الآخر
ولو تخلوني بروحي أكون لكم شاكر
ميت على الحياة والحين عايش للـموت
أعطي الكل قلبي والهم فيني مكبوت

الـكورس
رفعوا الصوت تسمعوني .. اخذوا نظرة ثانية في عيوني
قولولي شنو تشوفون .. الذنوب المعاصي يحتلوني
الدموع تنجرف مني .. وأنا للـحيني المغني
للـحين ودكم تكونون .. عايشين مثل ديفل اليني

للـتحميل
http://www.4shared.com/mp3/NMBoSr1f/1...
http://limelinx.com/files/df72608e7a2...

Twitter
@dj_devil_q8

Facebook
www.facebook.com/the.dj.devil