ერთი წელი შოვის მეწყერიდან

⛰️ ეს არის ამბავი შოვზე, კურორტზე, რომელიც 2023 წლის 3 აგვისტოს მოვარდნილმა ღვარცოფმა რამდენიმე წამში გაანადგურა. სტიქიამ, რომელიც რაჭის მთის კურორტს დღის სამ საათზე დაატყდა თავს, 33 ადამიანი იმსხვერპლა. დაკარგულებს კვირების განმავლობაში ეძებდნენ - ერთი მოზარდი ამ დრომდე არ უპოვიათ.

⛰️ ახლა ამ ადგილას ღვარცოფისგან დატოვებული და მთიდან ჩამოტანილი ტალახის, ქვების, ხეების და სხვა ნარჩენების გაქვავებული ბორცვებია. ფეხით გადაადგილდება ძალიან ჭირს. ეს ზონა კი ისევ საფრთხის შემცველ ზონად ითვლება.

⛰️ გამოძიება ამ დრომდე არკვევს, მოჰყვა თუ არა სიცოცხლის მოსპობა გაუფრთხილებლობასა და სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას. ამ დანაშაულებს სისხლის სამართლის კოდექსის ორი, 116-ე და 240-ე მუხლები ითვალისწინებს. თუმცა იურისტები თვლიან, რომ გამოძიება სხვა ორი მუხლითაც უნდა წარიმართოს - 128-ე მუხლით - განსაცდელში მიტოვება და 342-ე მუხლით - სამსახურებრივი გულგრილობა. გამოძიების ახალი დეტალები ამ დრომდე უცნობია.

⛰️ კურორტ შოვის აღდგენაზე დღეს არავინ ლაპარაკობს. ხოლო კითხვაზე, ისევ იქნება შოვი? პასუხი ხშირად დუმილია. რაც ზუსტად იციან, შოვში მხოლოდ ხსოვნის მემორიალი დაიდგმება.

--

🔸 მეტი ახალი ამბავი, ანალიზი, ინტერვიუები და ბევრი სხვა ნახე ჩვენს საიტზე 👉🏻 https://www.radiotavisupleba.ge

გამოგვყევი 👇🏻

Youtube-ზე 👉🏻 http://tinyurl.com/5ek3z4e3
Facebook-ზე 👉🏻 http://tinyurl.com/yc84b2x3
Instagram-ზე 👉🏻 http://tinyurl.com/2cb8w3wp
TikTok-ზე 👉🏻 http://tinyurl.com/3skhv3ws
Threads-ზე 👉🏻 http://tinyurl.com/bddphfyp