ស្ទឹងខៀវ - អ្នកស្រី រស់ សេរីសុទ្ធា | Steung Kheav - Ros SereySothea
Автор: Song Emotions
Загружено: 2019-03-29
Просмотров: 416085
ប្រវត្តិចម្រៀង
-------
បទ “ស្ទឹងខៀវ” ត្រូវបានបកស្រាយដោយ រាជនីធីតាម្ចាស់កោះអន្លង់ស្នេហ៍ អ្នកស្រី រស់ សេរីសុទ្ធា ក្រោមការនិពន្ធទំនុកច្រៀង និងបទភ្លេងរបស់ លោក ពៅ ស៊ីផូ ដោយមាន លោក ហេង ហួវ៉េង គឺជាម្ចាស់ស្នាដៃសម្រួលតន្ត្រី។ បទនេះ គឺជាបទដ៏ចំណាស់មួយដែលបានថតតាំងពីដើមទសវត្សរ៍ឆ្នាំ ១៩៦០ មកម៉្លេះ គឺកំឡុងឆ្នាំ ១៩៦២ ឬ ១៩៦៣ តាមរយៈការថតផ្សាយតាមវិទ្យុជាតិកាលជំនាន់នោះ។ សូមបញ្ជាក់ថា បទនេះគឺជាបទទី១ នៅក្នុងជីវិតជាអ្នកចម្រៀងរបស់ អ្នកស្រី រស់ សេរីសុទ្ធា ដោយអ្នកស្រីបានច្រៀងបទនេះតែម្ដងគត់ គឺមិនបានច្រៀងម្ដងទៀតដើម្បីដាក់ថាសលក់នោះទេ។ នៅកំឡុងឆ្នាំ ១៩៦២ ឬ ១៩៦៣ អ្នកស្រី រស់ សេរីសុទ្ធា បានប្រលងចម្រៀងជាប់លេខ ១ ប្រចាំនៅខេត្តបាត់ដំបង ទើបអ្នកស្រីមានឱកាសចូលច្រៀងក្នុងវង់ភ្លេងទាហាន និងវង់ភ្លេងសិង្ហតន្ត្រី ហើយនាពេលរាត្រីអ្នកស្រីតែងតែទៅច្រៀងនៅ រង្គសាលស្ទឹងខៀវ ដែលនៅជិតស្ទឹងសង្កែ ខេត្តបាត់ដំបង។ ហើយចំពោះបទ “ស្ទឹងខៀវ” អ្នកនិពន្ធចង់សំដៅដល់ស្ទឹងសង្កែនាខេត្តបាត់ដំបងនោះផងដែរ។ នៅឆ្នាំ ១៩៦៣ អ្នកស្រី រស់ សេរីសុទ្ធា បានទៅភ្នំពេញ និងបានចូលរួមប្រលងចម្រៀងក្នុងពិធី កញ្ញាធ្លាក់ទឹក ដែលគេតែងតែប្រារព្ធធ្វើឡើងជារៀងរាល់ឆ្នាំនៅម្ដុំផ្សារដេប៉ូបច្ចុប្បន្ន។ លោក ហេង ហួវ៉េង និង លោក ម៉ា ឡៅពី ដែលធ្វើការនៅក្នុងវង់ភ្លេងវិទ្យុជាតិ បានទៅមើលកម្មវិធីកញ្ញាធ្លាក់ទឹកនោះ ហើយក៏បានឃើញ អ្នកស្រី រស់ សេរីសុទ្ធា ច្រៀងពីរោះ ធ្វើឲ្យលោកទាំងពីរបានចាប់អារម្មណ៍ទាក់ទង អ្នកស្រី រស់ សេរីសុទ្ធា ដើម្បីឲ្យមកច្រៀងនៅវង់ភ្លេងវិទ្យុជាតិ ឬ វង់ភ្លេងឃោសនាការ។ លុះស៊ើបដឹងថា អ្នកស្រី រស់ សេរីសុទ្ធា ស្នាក់នៅខេត្តបាត់ដំបង លោកទាំងពីរ បានសាកសួរ លោក អ៊ឹម សុងសឺម ដែលជាអ្នកចម្រៀងមកពីបាត់ដំបងនៃវង់ភ្លេងវិទ្យុជាតិ ហើយ លោក អ៊ឹម សុងសឺម ក៏ឆ្លាប់ស្គាល់ អ្នកស្រី រស់ សេរីសុទ្ធាផងដែរ ដូច្នេះ លោក អ៊ឹម សុងសឺម ក៏បាននាំលោក ហេង ហួវ៉េង និង លោក ម៉ា ឡៅពី ទៅជួប អ្នកស្រី រស់ សេរីសុទ្ធា ហើយក៏បានសុំម្ដាយ អ្នកស្រី រស់ សេរីសុទ្ធា គឺ អ្នកស្រី ណាត់ សាមៀន ដើម្បីឲ្យ អ្នកស្រី រស់ សេរីសុទ្ធា មកច្រៀងនៅភ្នំពេញ។ ពេលនោះ ម្ដាយរបស់ អ្នកស្រី រស់ សេរីសុទ្ធា និងអ្នកស្រី រស់ សេរីសុទ្ធា ក៏បានយល់ព្រម។ លុះមកដល់វិទ្យុជាតិ កវីជើងចាស់ លោក ពៅ ស៊ីផូ បាននិពន្ធបទ “ស្ទឹងខៀវ” ឲ្យអ្នកស្រីច្រៀង ហើយបទនេះបានធ្វើអ្នកស្រីមានឈ្មោះបោះសំឡេង រហូតធ្វើឲ្យអ្នកផងទាំងពួងដាក់រហ័សនាមជូនអ្នកស្រី ថា “ព្រលឹងស្ទឹងខៀវ រស់ សេរីសុទ្ធា” បន្ទាប់ពីអ្នកស្រីបានច្រៀងនូវ បទ “ស្ទឹងខៀវ” នេះ។
———
ស្រាវជ្រាវដោយ ៖ លោក សេង តារា
• ស្ទឹងខៀវ (រស់ សេរីសុទ្ធា) Steung Kheav
Доступные форматы для скачивания:
Скачать видео mp4
-
Информация по загрузке:
