ترنيمة إنت أعظم أب شفته - مارى لميع

ترنيمة/ إنت أعظم أب شفته ❤️
#انت_أعظم_أب_شفته
من البوم إنسان من تاني
#انسان_من_تاني

ترنيم/ ماري لميع

كلمات/ إميل يوسف

الحان/ بهجت عدلي

توزيع وميكس وماستر/ مايكل طلعت

جيتارات/ فادي طلعت

مدير تصوير/ مينا چورچ

مونتاج/ رامز الفي

كلمات ترنيمة إنت أعظم أب شفته❤️

كل السنين ما تفوت يا ربي و كل عمري ما يجري بيا بكتشف يوم بعد يوم أنا قد إيه مليان خطية وكل ما يمر الزمان بتبان عيوبي المتدارية واحسبها ألقى إن حبك رغم نقصي كتير عليا و إن وقفت قصاد مرايتي ببقى خجلان من حقيقتي بس بلقى الحب دايما بيناديني فكلمتك

ق/ إنت أعظم أب شفته إنت أروع حب عشته الزمان بتزيد قساوته وإنت اطيب قلب حَب لما بسأل ليه حاببني بلقى صوتك بيجاوبني
مهما يحصل انت ابني و مهما كان الأب أب

بتناديني و بتعاتبني مهما سبتك مش سايبني
كل هدفك إني اعيش العمر كله فنعمتك
لسة الزمان فاكر و يشهد اني ياما كسرت قلبك
لسة فاكر لما فضلت البعاد و هجرت دربك
يوم ما غمّى الوهم عيني وسبت بيتي و بعت حبك
يومها كانت نظرة عينيك رغم اللي كان بتقول بحبك
و اما جيت ارجع اليك بصيت لقيت صورتي فعنيك
زي الخروف الضال لقتني وفوق كتافك شلتني
محسبتنيش عن جرحي ليك لملمت أوجاعي بإيديك
و لقيت إيديك ممدودة ليا و جوه حضنك خدتني

انا مفتكرش لنفسي حاجة واحدة حلوة بطول
ماضيّ وأنا أبقي ايه غير قلب قاسي
وشخص مولود بالخطية أنا اللي بعرف بس اخون
و انسى الوعود و اجرح فاديّ انا كنت طول عمري بسيبك و انت بتدور عليّ مش بجيلك غير في جرحي عمري ما افتكرك في فرحي قلبي دايما ناسي انك انت مصدر فرحتي
بس رغم قساوتي ديه بلقى ايدك مش ايديّ
لما عيني في مرة تبكي هي تمسح دمعتي