Madani Madine Wale : Urdu Naat

A beautiful Naat by Qari Awais Mustafa, please like and subscribe for more bbeautiful videos.

Lyrics / Poetry

Mujhe Dar Pe Phir Bulana Madani Madine Wale
Ma E Ishq Bhi Pilaana Madani Madine Wale
Meri Aankh Me Samaana Madani Madine Wale
Bane Dil Tera Thikaana Madani Madine Wale

Teri Jab Ke Deed Hogi Jabhi Meri Eid Hogi
Mere Khwaab Me Tum Aana Madani Madine Wale

Mujhe Sab Sataa Rahe Hain Mera Dil Dukha Rahe Hain
Tumhi Hausla Badhaana Madani Madine Wale

Mere Sab Azeez Choote Mere Yaar Bhi To Roothe
Kahi Tum Na Rooth Jaana Madani Madine Wale

Mai Agar Che Hoon Kameena Tera Hoon Shahe Madina
Mujhe Seene Se Lagaana Madani Madine Wale

Tere Dar Se Shaha Behtar Tere Aastaan Se Badhkar
Hai Bhala Koi Thikaana Madani Madine Wale

Tera Tujh Se Hoon Sawaali Shaha Pherna Na Khali
Mujhe Apna Tum Banaana Madani Madine Wale

Ye Mareez Mar Raha Hai Tere Haath Me Shifa Hai
Aye Tabeeb Jald Aana Madani Madine Wale

Tu Hi Ambiya Ka Sarwar Tu Hi Do Jahaan Ka Yaawar
Tu Hi Rehbare Zamaana Madani Madine Wale

Tu Hai Be Kason Ka Yaawar Aye Mere Ghareeb Parwar
Hai Sakhi Tera Gharaana Madani Madine Wale

Tu Khuda Ke Baad Behtar Sabhi Se Mere Sarwar
Tera Haashmi Gharaana Madani Madine Wale

Teri Farsh Par Huqumat Teri Arsh Par Huqumat
Tu Shehenshah E Zamaana Madani Madine Wale

Tera Khulq Sab Se A’ala Tera Husn Sab Se Pyaara
Fidaa Tujh Pr Sab Zamana Madani Madine Wale

Kahoon Kis Se Aah Jaakar Sune Kaun Mere Dilbar
Mere Dard Ka Fasaana Madani Madine Wale

Mai Ghareeb Be Sahara Kahaan Aur Hai Guzaara
Mujhe Aap Hi Nibhaana Madani Madine Wale

Ye Karam Bada Karam Hai Tere Haath Me Bharam Hai
Sare Hashr Bakhshwaana Madani Madine Wale

Kabhi Jau Ki Moti Roti To Kabhi Khajoor Pani
Tera Aisa Saada Khana Madani Madine Wale

Hai Chatayi Ka Bichona Kabhi Khaak Hi Pe Sona
Kabhi Haath Ka Sir-Haana Madani Madine Wale

Teri Saadgi Pe Laakhon Teri Aajizi Pe Laakhon
Ho Salaame Aajizaana Madani Madine Wale

Mile Naza Me Raahat Rahoon Qabr Me Salaamat
Tu Azaab Se Bachana Madani Madine Wale

Aye shafi e roz e mehshar! Hai gunaah ka bojh sar par
Mai Phasaan Mujhe Bachaana Madani Madine Wale

Mere shaah! Waqte rukhsat mujhe meetha meetha sharbat
Teri Deed Ka Pilaana Madani Madine Wale

Pas Marg Sabz Gumbad Ki Huzoor Thandi Thandi
Mujhe Chaoon Me Sulaana Madani Madine Wale

Mere Walidain Mehshar Mein Go Bhool Jaye Sarwar
Mujhe Tum Na Bhool Jaana Madani Madine Wale

Shaha Tangi Badi Hai Yahaan Dhoop Bhi Kadi Hai
Shahe Hauze Kausar Aana Madani Madine Wale

Mujhe Aafaton Ne Ghera Hai Musibaton Ka Dera
Ya Nabi Madad Ko Aana Madani Madine Wale

Mera Seena Ho Madina Mere Dil Ka Aabgeena
Bhi Madina Hi Banaana Madani Madine Wale

Aye Habeebe Rabbe Baari Hai Gunaah Ka Bojh Bhari
Tumhi Hashr Me Chchudana Madani Madine Wale

Meri Aadatein Ho Behtar Banu Sunnaton Ka Paikar
Mujhe Muttaqi Banaana Madani Madine Wale

Shaha Aisa Jazbaa Paau Ke Mai Khoob Seekh Jaau
Teri Sunnate Sikhaana Madani Madine Wale

Tere Naam Par Ho Qurbaan Meri Jaan Jaane Jana
Ho Naseeb Sar Kataana Madani Madine Wale

Teri Sunnaton Par Chal Kar Meri Rooh Jab Nikal Kar
Chale Tum Gale Lagaana Madani Madine Wale

Hai Muballigh Aaqa Jitne Karo Door Unse Fitne
Buri Maut Se Bachaana Madani Madine Wale

Mere Ghous Ka Waseela Rahe Shaad Sab Qabeela
Inhe Khuld Me Basaana Madani Madine Wale

Mere Jis Qadar Hai Ahbaab Inhe Karde Shaha Betaab
Mile Ishq Ka Khazaana Madani Madine Wale

Meri Ane Wali Naslen Tere Ishq Hi Me Machlen
Unhe Nek Tum Banaana Madani Madine Wale

Mile Sunnaton Ka Jazbah Mere Bhai Chchode Maula
Sabhi Dadiyaan Mundaana Madani Madine Wale

Mere Jis Qadar Hai Behne Sabhi Kaash Burqa Pehne
Ho Karam Shahe Zamaana Madani Madine Wale

Do Jahaan Ke Khazane Diye Haath Me Khuda Ne
Tera Kaam Hai Lutaana Madani Madine Wale

Teri Gham Me Kaash Attar Rahe Har Ghadi Giraftaar
Ghame Maal Se Bachaana Madani Madine Wale