إذا إنها عبادة السعى يا رفقة ( بودكاست المحاولون ٣ ) ،

السلام عليكم
فى البداية كده
أنا مين ؟
أنا دينا بنت مسلمة بتحاول
بتمر باللى أى بنت أو شاب بيمر بيه فى الزمن اللى احنا فيه ده
فى الأول حصل شوية حاجات كده خليتنى انقطع عن القناة
فبعدها رجعت وعملت فيديو وسميته فضفضة هادفة عشان اتكلم فيه عن الدروس اللى استفدتها من المرحلة الصعبة اللى فاتت
الفكرة مكانتشى هتبقى بودكاست ولا حاجة
غير لما لقيت ان فيه مواضيع كتير مشتركة
فقلت كل فترة هتكلم ونكمله
هنتكلم عن إيه يا ترى
عنك وعنك وعنى
عن كل واحد فينا
هتحسوا انكم اللى بتتكلموا مش أنا
لأنى هتكلم عن أفكارنا
عن مشاكلنا
عن نقاشات دارت بينى وبين ناس فى الكلية
فى المواصلات
أو حتى فى الشارع
عن ابتلاءات بنمر بيها كلنا وازاى نخرج منها أو نصبر عليها
عن فهمنا لنفسنا .وقعدتنا مع نفسنا اللى بقينا بنحس انها غريبة عننا
وبصراحة دى مش أول مرة أعمل بودكاست
لأ عملت قبل كده على قناتى القديمة اللى اتحذفت
بس كان اسمه
بودكاست إسعاف نفسى
فهنحاول كلنا مرة أخرى
مع بودكاست( المحاولون ) إن شاء الله
عايزة أقولكم إنى بشوف كل واحد وواحدة فيكم
محاول ومحاولة
يا رفاق درب المحاولة
انتوا مش مجرد عدد
لأ
انت نفس خلقها الله لتسعى ليس لأجل دنيا بل لأجل جنة عرضها السماوات والأرض
لا ألم فيها بل نعيم فى نعيم
وليس نعيما فقط
بل نعيم وخلود إلى ما لا نهاية
أفلا تستحق الجنة أن نصبر ؟
أولا يستحق لقاء الله ورؤيته بدون حجاب أن نتحمل ؟

سلام لقلوبكم المحاولة
وسلام لقلبى المحاول رغم كل ما ألم به
سلام يا رفقة لم أرها
لكنى أدعوا لها معى