25 dhjetor 1918- Kongresi që solli qeverinë e Durrësit

Pas përfundimit të Luftës së Parë Botërore, më 25 dhjetor të vitit 1918 nisi punimet Kongresi i Durrësit – vlerësuar si një ngjarje e rëndësishme historike për Shqipërinë.
Drejtuesit e grupimeve politike shqiptare, si dhe personazhe që kishin peshë në zonat e tyre, u bënë bashkë për të riorganizuar shtetin shqiptar me qëllim për të evituar kërcënimet që mund të vinin nga fituesit e luftës.
Në kongresin, që zhvilloi punimet në datat 25, 26 dhe 27 dhjetor 1918, morën pjesë përmbi 50 delegatë, u zgjodh një qeveri e përkohshme me Kryeministër Turhan Pashë Përmetin si dhe 14 anëtarë të qeverisë.
Delegatët hartuan edhe një program politik, ku shprehej ruajtja e pavarësisë, tërësia tokësore e shtetit shqiptar dhe rishikimi i kufijve të vitit 1913, të përcaktuar nga Konferenca e Ambasadorëve në Londër.
Në vijim, Kongresi caktoi edhe një delegacion, që do ta përfaqësonte këtë qeveri në Konferencën e Paqes, në Paris. Saktësisht delegacioni mori detyrën që, në Konferenën e Paqes të Parisit, të bëheshin përpjekje të forta me qëllim, jo vetëm ruajtjen e tërësisë territoriale të shtetit shqiptar, por edhe gjetjen e mundësive për rishikimin e kufijëve, me qëllim përfshirjen në trungun amë edhe të territoreve të tjera historike të shqiptarëve, të mbetura nën Jugosllavinë dhe Greqinë.
Kongresi anashkaloi me zgjuarsi peshën e qeverisë në mërgim të krijuar nga Esad Toptani, i cili gëzontë njohje të mjaftueshmë për shkak të publicitetit nëpër gazetat evropiane, që e përcaktonin si "diplomatin e parë shqiptar në sytë e diplomacisë evropiane".
Po kështu, mbledhja e Kongresit të Durrësit pati kundër politikën italiane, që kërkonte dominimin dhe kontrollin e faktorit politik shqiptar.
Në këtë periudhë Qeveria Italiane kishte hequr dorë nga një qendrim fillestar, për të lejuar formimin e një qeverie shqiptare.
Me organizimin e shqiptarëve të Italisë, në këtë periudhë ishin duke u marrë Mehmet Konica, Mehdi Frashëri dhe Mustafa Kruja - të gjithë të orientuar nga politika italiane...


"Data Stories" është rubrika e gazetarit Ferdinand Dervishi, që sjell çdo ditë në MCN TV analizën dhe prapaskenat e ngjarjeve më të rëndësishme të ditës. #mcntv #mcn #datastories #ferdinanddervishi #histori #ngjarjethistorike