Yupi Yatima Zaidi Aliyefiwa Na Mama Au Baba?

Mcheni ALLAH Mtukufu na ikumbukeni kauli yake isemayo :

{ يَا أَيُّهَا النَّاسُ اتَّقُواْ رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيراً وَنِسَاءً وَاتَّقُواْ اللّهَ الَّذِي تَسَاءَلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيباً }النساء 1

“ Enyi watu ! Mcheni Mola wenu ambae amekuumbeni kutokana na nafsi moja. Na akaumba mkewe kutokana na nafsi ile ile. Na akaeneza wanaume wengi na wanawake kutoka katika wawili hao. Na mcheni ALLAH ambaye kwaye mnaombana na muwatazame jamaa. Hakika ALLAH ni mlinzi juu yenu”.

Tambueni kuwa Uislamu umetukuza haki za madhaifu kama vile masikini, mafakiri, vizuka na mayatima, kwani katika hayo kuna taathira kubwa katika nafsi na hisia zao, hasa kwa yatima alieondokewa na wazee wake wawili au mmoja wao. Huyu ana haja kubwa ya kuonewa huruma, kusaidiwa na kuongozwa tangu udogoni na kufunzwa adabu na tabia njema. Na ikiwa atakosa haya, bila ya shaka atainukia katika tabia mbaya na atakuwa na mtazamo wa chuki kwa jamii yake kwa sababu ya kumtupa na kumdharau.

Ndugu Waislamu :

Uislamu umekuwa mbele katika kumlinda yatima kimalezi na kumdhaminia maisha yake ili ainukie akiwa ni kiungo chenye manufaa katika jamii yake.

Qur-ani inatuhimiza kulinda haki za yatima na inatukataza kumdhalilisha na kumdharau, na inatuonesha kuwa kumdharau yatima ni dalili ya kukadhibisha siku ya malipo.

Anasema ALLAH (SW) :

{ فَأَمَّا الْيَتِيمَ فَلاَ تَقْهَرْ }الضحى 9

“ Basi usimuonee yatima”.

Na amesema vile vile :

{ أَرَأَيْتَ الَّذِي يُكَذِّبُ بِالدِّينِ * فَذَلِكَ الَّذِي يَدُعُّ الْيَتِيمَ }الماعون 1 – 2

“ Jee umemuona yule anaekadhibisha dini ? Huyo ni yule anaemsukuma yatima”.

Na zimekuja hadithi nyingi za Mtume (saw) zinazohimiza kuwatazama mayatima, na zikawabashiria kheri nyingi wawatunzao mayatima kwa wema ya kuwa watakuwa pamoja na Mtume (saw) huko peponi.

Na imepokewa kuwa Mtume (saw) amesema :

“ Mimi ni mtu wa mwanzo ataefunguwa mlango wa pepo, isipokuwa nitamuona mwanamke anataka kunitangulia, nami nitamuuliza : unataka nini? Na wewe nani ? Nae atajibu : mimi ni mwanamke niliekuwa nikiwatizama mayatima wangu”.

Enyi Waja wa ALLAH :

Hakika haki za mayatima kimalezi na katika kuwatunzia mali zao zimetiliwa mkazo sana na Qur-ani na katika sunna za Mtume (saw). Na ilipoteremka amri ya kuchunga haki hizo katika Qur-ani, Masahaba waliingiwa na wasiwasi katika utekelazaji wake na wakamuuliza Mtume (saw) juu ya hayo, ikateremka kauli ya ALLAH (SW) isemayo :

{ وَيَسْأَلُونَكَ عَنِ الْيَتَامَى قُلْ إِصْلاَحٌ لَّهُمْ خَيْرٌ وَإِنْ تُخَالِطُوهُمْ فَإِخْوَانُكُمْ وَاللّهُ يَعْلَمُ الْمُفْسِدَ مِنَ الْمُصْلِحِ وَلَوْ شَاء اللّهُ لأعْنَتَكُمْ إِنَّ اللّهَ عَزِيزٌ حَكِيمٌ }البقرة 220

“ Na wanakuuliza juu ya mayatima. Sema, kuwatendea wema ndio vizuri. Na kama mkichanganyika nao ( ndio wema vile vile) kwani hao ni ndugu zenu, na ALLAH anamjua fisadi na alie mwema. Hakika ALLAH ni mwenye nguvu na mwenye hikma”.

فَاتَّقُوا اللهَ – عِبَادَ اللهِ – وَرَاقِبُوا اللهَ فِيْمَنْ ائْتَمَنَكُمْ عَلَيْهِمْ مِنَ الْي
Ndugu Waislamu :

Kusimamia mambo ya mayatima ni jambo la wajibu na lenye kheri kubwa, na inampasa kila anaemlea yatima amlee kwa wema kama anavyowalea watoto wake mwenyewe, na iwapo yatima huyo atakuwa na mali basi ajiepushe kabisa na kula mali hiyo, kwani kula mali za yatima pasi na haki ni katika madhambi makubwa.

Anasema ALLAH (SW) :

{ إِنَّ الَّذِينَ يَأْكُلُونَ أَمْوَالَ الْيَتَامَى ظُلْماً إِنَّمَا يَأْكُلُونَ فِي بُطُونِهِمْ نَاراً وَسَيَصْلَوْنَ سَعِيراً }النساء 10

“ Hakika wale ambao wanakula mali za mayatima kwa dhulma, bila ya shaka wanakula moto katika matumbo yao, na wataungua katika huo moto ( wa Jahannamu ) uwakao”.

Na anasema Mtume (saw) :

(( اجْتَنِبُوا السَّبْعَ الْمُوبِقَاتِ ، قَالُوا يَا رَسُولَ اللهِ وَمَا هُنَّ ؟ قَالَ : الشِّرْكُ بِاللهِ ، وَالسِّحْرُ ، وَقَتْلُ النَّفْسِ الَّتِي حَرَّمَ اللهُ إِلاَّ بِالْحَقِّ ، وَأَكْلُ الرَّبَا ، وَأَكْلُ مَالِ الْيَتِيْمِ ، وَالتَّوَلِّي يَوْمَ الزَّحْفِ ، وَقَذْفُ الْمُحْصَنَاتِ الْغَافِلاَتِ الْمُؤْمِنَاتِ ))

“ Jiepusheni na mambo saba yaangamizayo. Wakasema ni yepi hayo ewe Mjumbe wa ALLAH ? Akasema : Kumshirikisha ALLAH, uchawi, kuiuwa nafsi ambayo ALLAH ameharamisha kuiuwa ila kwa haki, kula riba, kula mali za yatima, kukimbia vitani, na kuwasingizia mambo machafu wanawake wa kiislamu wenye heshima zao ”.

Na pia imekuja katika kisa cha Miiraj wakati Mtume (saw) alipopandishwa mbinguni na kuoneshwa mambo ya huko ya kuwa, aliwaona watu wananyofoa nywele zao na wengine wanachukua mawe na kuyatia katika midomo yao kisha hutokea katika tupu zao. Akamuuliza Jibril (as) nani wale ? Jibril akamjibu kama ilivyokuja katika aya ya 10 ya Suurat Annisaa : “Hawa ni wale waliokula mali za mayatima kwa dhulma, hakika wanakula moto ndani ya matumbo yao”.

#mwenyekumsaidiayatimamjane #sheikhothmanmaalimmayatima #mawaidhayatimawajane #niyupiyatimaaliyefiwanamamaaubaba #mawaidhamuslimutv #mawaidhayatima #mawaidhamjane