ولع النار 🔥👏🏻| نعشق المستحيلات ونسويها || عيضه الثبيتي & مهنا العتيبي || حصرياً 2025

ولّع النار واحرق فالحطب كلّه
لين ياصل حدود الغيم صاليها

ودّع الـبرد مـرّه لا تعـيّن لّه
لو هبوب الشمال ارخت ذواريها

فوح صدر المولّع فوحة الدلّه
ايتوجد و قلبه رايحٍ فيها

لو تمرّه مزون الغيث منهلّه
ماترد المياه الى مجاريها

مِلْ قلبٍ ذبحه الشوق يامله
والحمامه ليا غنّت يلاحيها

صافي الخد مدري ضافي الهله
كنّها الشمس والليل متقفيّها

لا سرى الليل زان الخط و الشلّه
والوعد طلعت الشمس وحراويها

كل بيتٍ يناسب ذوقي اتله
تلت اللي بعيداتٍ مراميها

فيه ميقاف يقبل عذر و أزله
المعاذير تلقى من يمشيها

وفيه ميقاف لا باله ولا باله
مثل فرض الصلاه اللّي نصلّيها

اتوطا الجمر واقول بسم الّه
خلوا النار تحرق رجل واطيها🎤

لا طرا طاري العتبان في حله
قلت حي الله عتيبه و طاريها🎤

عز راسي وعز الراس من ظله
افخر بعزوتي عن بكرة أبيها

والوعد عيد مايحتاج لا اهله
ليلة العيد معروفه شواريها

يامحمد يابن عابد حفظك الله
حي راسك وربعك حي اساميها🎤

البس البشت واخذ السيف ابوسله
والنشامى عسى ربّي يحييّها🎤

في يمينك صفوفٍ تبري العله
ربعك اللي تنومسنا عزاويها

وانت من ذخر من لا يعرف الذله
ذاخرك تعطي القاله وتوفيّها

مرحبا يالنشاما بسم عبدالله
ابن ماجد لزومه مايخليها

صدره من القبول أوسع من الحلّه
سمعته والنعم دايم تباريها

وقفته فالمواقف طبع وجبلّه
وقفةٍ بيّض الله وجه راعيها

من شيوخ ٍ تعقد الراي واتحلّه
يوم مال القضيه غير قاضيها

من تعزوا بابن درّاج ما ملّه
لابةٍ بالكرم طالت مبانيها

من تحيزم بهم مايشكي الخله
فعلهم حاضر الدنيا و ماضيها

عزوة ثبيت قول وفعل وأدله
هامة عتيبه الهيلا تكفيهّا

من غلا الجار ندمح له مية زله
واخوينا ماتقصر عن هقاويها

مانجنّب عن القانون و المله
الرياجيل ماتترك مباديها

كل شي نفكّر فيه نحتلّه
نعشق المستحيلات ونسويّها

عيضه الثبيتي