مش عارف أعمل ايه.! | الفراغ الوجداني | الشيخ هاني حلمي

ليصلك الجديد ، اضغط على اشتراك أو Subscribe التى بالقناة
وعلامة التنبيه (🔔) وادعمنا ☑️ بالإعجاب والتعليق والمشاركة
==============================­­=======

كتير بيشتكي مُرّ الشكوى إنه مش عارف يعمل إيه؟
تايه، بالذات في الزمن ده وفي زمن السوشيال ميديا والمتابعات لتريندات والقعدة الطويلة على الفيس وتويتر و و و، أنا مش عارف أعمل إيه؟
جاتني رسالة، الرسالة دي أثرت والله في جدًّا، شخص في الأربعين من عمره بيقول لي: أنا ما اتجوزتش، وأنا بصراحة بصيت كده لحياتي لقيتني ما عملتش أي حاجة، بصراحة أنا فاضي، من جوه ، دماغي فاضية، أنا مش عارف أعيش حياتي، أنا عشت حياتي بالطول بالعرض، آه بنزل أشتغل و و، بس أنا مش حاسس إنّ أنا كُفء في حياتي، أنا في مود إحباط شديد؛ لأني ما عملتش حاجة في الحياة، أنا مين؟ أنا إيه؟ وزني إيه؟ وضعي إيه؟ للأسف الشديد أنا فاضي.
المسلم ما ينفعش يقول الكلمة دي خالص❌
ما ينفعش تشتكي من الفراغ الوجداني،
وبالذات بقى الأخوات بتشتكي مُرّ الشكوى من الحتة دي، وبرضه كثير من الرجال بتبقى عندهم المشكلة دي، عارفين ليه؟ علشان عندنا مصيبتين سُود كبار قوي اسمهم:
1️⃣ اللا هدف، 2️⃣اللا دور.
عارفين الحل القرآني للموضوع ده إيه؟
وصية من وصايا لقمان: "وَاقْصِدْ فِي مَشْيِكَمن اقصد في مشيك العلماء يقولوا فيها حاجتين: اقصد: يعني يبقى عندك هدف،
تبقى عايش لشيء حقيقي ✅
مش شيء أنت بتملأ بيه وقتك ❌
؛ لأن كتير مننا بيعيش إنه عنده أهداف، وهو في الواقع واخدها مسكنات.
يعني هعمل إيه؟ يلا أطلب شوية علم،
أديني هشتغل في أي حاجة و السلام بدل ما أنا قاعد كده يقتلني الفراغ وقاعد حاطط إيدي على خدي ومتحسّر،
أعمل إيه؟ أشتغل بقى في أي حاجة، وده للأسف الشديد ما بيجيبش ثمرة❌
وييجي بعد كده يقول: والله ده أنا شغال في الدعوة، والله ده أنا بعبد ربنا، والله ده أنا بتعلم، ده أنا ده أنا، بس فاضي؛ لأنه مش محقق الوصية القرآنية دي: "وَاقْصِدْ فِي مَشْيِكَ" هَدِّف حياتك.
وفي نفس الوقت "وَاقْصِدْ فِي مَشْيِكَ"
المعنى التاني: تبقى معتدل، الوسطية.
فالمعنى ده هو اللي احنا محتاجينه علشان نعالج مشكلتنا 1️⃣اللا هدف و2️⃣اللا دور.
تعالوا شوفوا كلمات المسيح عيسى بن مريم أول ما نطق في المهد، عارفين قال إيه؟ "قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا" مريم: 30، أنا عايز حضراتكم تبقوا واخدين بالكم ومركزين قوي في ال 3 كلمات دول.
عارفين "إِنِّي عَبْدُ اللَّهِ" دي إيه؟ ⬅️ده الهدف،
احنا اتخلقنا ليه يا جماعة؟ اتخلقنا علشان "وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ" الذاريات: 56، بس مفهوم العبادة مش اللي احنا متخيلينه بالمفهوم الفقهي اللي هو هنصلي ونصوم ونَذكُر ونقرأ قرآن، لا
مفهوم العبادة بالمفهوم الشرعي الواسع: "قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ" الأنعام: 162، كل شيء في حياتي أنا بهَدِّفه ، لخدمة الهدف اللي أنا اتخلقت من أجله، علشان أحقق "إِنِّي عَبْدُ اللَّهِ".
طيب علشان أوصل لدي محتاج 🔅وسيلة🔅محتاج إنّ يبقى معايا شيء أستعين بيه علشان تحقيق الهدف،
⬅️ "آتَانِيَ الْكِتَابَ"،
أخبارِك إيه مع القرآن حفظه وفهمه وتدبره والعمل بيه والتحاكم إليه والاستشفاء بيه؟
القرآن فعلًا يغمر حياتنا، احنا بنقرأ قَدّ إيه كل يوم من القرآن؟ أو فاهمين قَدّ إيه من القرآن؟ ده لازم يبقى قُدَّام عينينا.
رقم 3 بقى: الدور، "وَجَعَلَنِي نَبِيًّا"، طيب وحضرتك جعلك إيه؟
لازم يبقى جعلني حاجة،
أنا لازم أنفع في حاجة
أنا لازم أبقى محقق ذاتي كمسلم أو كمسلمة في حاجة،
طول ما مفيش هدف،
طول ما مفيش دور؛ هيبقى عندنا الفراغ القاتل، وهنقعد بقى نشتكي مُرّ الشكوى من إنّ احنا مش عارفين احنا مين ورايحين فين وعايشين حياة عبثية، وربنا بيقول لنا: "أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ".
⚠️محتاجين قرار دلوقتي
لو ما عملتش كده هيبقى حالك زي حال الشخص اللي بَص على نفسه وهو في الأربعين لقى نفسه مفيش حاجة، وناس كتير جدًّا على هذا الوضع: أنا فاضي.
لأ من هنا ورايح أنت مش فاضي،
من هنا ورايح قلبك مش فاضي، .
عندك أشياء كتير شاغلاكِ،
طواللي شاغلك ده هو هدفك الحقيقي اللي أنتِ اتخلقتِ من أجله، ومن هنا هتتتحل المشاكل والله،
لا هتيجي بعد كده تقول لي: أنا متعلق مش عارف بمين ومتحطم، ولَا هتيجي تقولي لي بعد كده: أنا واقعة تحت فريسة الفراغ الوجداني وللأسف الشديد عندي مشاكل ضخمة جدًّا بسبب الفراغ الوجداني
من هنا البداية هدف ودور، "إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا"،
"نِعْمَتانِ مَغْبُونٌ فِيهِما كَثِيرٌ مِنَ النَّاسِ: الصِّحَّةُ والفَراغُ"
، إيدينا في إيدين بعض، لازم يبقى ليك هدف، لازم يبقى ليك دور.

🔸 مش عارف أعمل ايه.❗
🔸 لا هدف و لا دور.❗
🔹 مشكلة الفراغ الوجداني.
🔘 الشيخ هاني حلمي

وسائط مُتعددة ( جودات أخرى ) : -


#way2allah
==============================­­=======
● شبكة الطريق إلى الله
https://www.way2allah.com
● منتدى الطريق إلى الله
https://forums.way2allah.com/
● الصفحة الرسمية لشبكة الطريق إلى الله
  / way2allahcom  
● ساوند كلاود
  / way2allahcom  
● تويتر
  / way2allahcom  
● انستجرام
  / way2allahcom  
● تليجرام
https://t.me/way2allahcom
● صفحة الطفل المسلم
  / bebe.musulman  
● صفحة غرفة الهداية الدعوية
  / alhedaya.room  

" ولا تنسونا من صالح دعائكم عن ظهر غيب "