{تعاشب شاي}(2278) الحرية لنادية براقع

بعد النشاط الملحوظ ، لقوات مكافحة الفيسأ والفجور ..وبطولات الصقور وهي سايبة الشارع ، والواقع نفسه يضرب يقلب ، وقاعدين شاحنين الباقة ، وسهرانين يا ولداه على الواقع الافتراضي ، مطبقين على تيك توك ، يدعبسوا على أي محتوى ، بيلخلخ استقرار المجتمع ، وبيأذي مشاعر قيم الأسرة ..

تنجح مؤخراً شرطة الأخلاق الحميدة ، في القبض على ياسمين اللي بتخلي الحجر يلين ، عشان تضم على اخواتها من أهل الرذيلة ، أمثال سوزي وأم حماصة وأم بربش ، وباقي شلة أمهات في المنفى دي كلها ..

بس اللي حصل المرة دي ، إن في لحظة القبض عليها ، تتفاجئ الشرطة والنيابة والأسرة المصرية ، إن ياسمين طلعت ولد اصلا ، وبيشتغل متابعينه على طريقة سكر هانم..
لكنه برضه اتقبض عليه.. أصل احنا مش هنركب البوكس ، ونحرق بنزين ونطخ المشوار ، ونرجع بأيدينا فاضية يعني..

وبرغم عبثية الموضوع ، و تفاهة اللي اتقبض عليه ، وتفاهة اللي قبضوا عليه.. خلينا نسأل سؤال طرحته القضية دي وغيرها.. هي مؤسسات الدولة ، بتحاسب الناس على أي أساس قانوني بالظبط ؟

وهل شعارات ظبط السلوكيات ، وتهذيب الأخلاق ، ومواجهة التجاوزات الأخلاقية والدينية ، ليها أي علاقة بالقانون ؟ أو أي علاقة بمفهوم الدولة اصلا ؟

للدعم على Patreon :
  / ahmedbehiry  

اشترك في القناة الرسمية على تليجرام:
https://t.me/ABehiry

الصفحة الرسمية لاحمد بحيري علي الفيسبوك
  / أحمد-بحيري-ahmed-behiry-109415711865636  

الصفحة الرسمية علي تويتر
  / ahmedbehiry  

اشترك في القناة لمتابعة الحلقات الجديدة
http://goo.gl/2KheJZ

المصادر:

أعلم أهل الأرض
داباليو داباليو داباليو دوط قووقل دوط قوم
http://www.قooقle.com