تاج راسي مطير | اهداء لرجل الاعمال محمد عواض الضباطي | كلمات فايز الضباطي | اداء خالد ال بريك

من بعد ماسجوا هل البالوت وارتاح الفري
سرتني افكاري على متن السحاب وبارقه

ما اشارك اصحاب الثرا ما ابيع فيه ولا اشتري
مارتاح يالين السحاب اصافحه واعانقه

مايبخض اسعار الذهب للبايع الا المشتري
ولا يدخل المضمار ياكود الخيول السابقه

تبختري يالفارقه تبختري تبختري
تبخترك جمره على كبود العداء يالفارقه

خلي حضورك يلفت الانظار ودخولك جري
ماكل دره تأخذ العقل الغني وتصادقه

الشعر ياخذني على جوه وانا ماني صري
وان كان ماجاني على فاقه حرام ألاحقه

لا بارك الله بالقصيد ان كان ماجاب خبري
لاجيته من اقصاي ينزل من سمايه صاعقه

لولا الشعر ومدوناته ماعرفنا البحتري
ولولا المواقف ماكتبنا للكفو حقايقه

لا ياسمي المصطفى يالعبدلي يالمضري
يامحمد تغيب النجوم ونور شمسك شارقه

لا قيل ابن عواض راسي بالطناخه يكبري
واللي يبا ياصل مداك مفارقه مفارقه مفارقه

وان كان ماقلدتك وشاح المدايح شاحتري
يامحارب صحون البخل في زاد والا نافقه

يوم اكثر العربان يقري الضيف لحمة بربري
انته ضيوفك فوق حشوان المزاين مارقه

وشلون ابا اقصر عنك يالسيف المجرب واعذري
وانته فعولك تسبق اقوالك وقوة خارقه

مع احترام الذات تستاهل تحية عسكري
تصرف ليا مريت بالشارع تحيه صادقه

تكفٌل إبحملات حجاج الحرم وتعمري
اسماً بفعل الخير لاهل الخير ربي سايقه

قنيت صفرا مادخلت داخل حضاير سمسري
هزعاً طفاح ومشرباً ريح الهبوب تصافقه

مادام وانك بالمراجل معتلي للمشتري
وشلون ما اطلع لك مطاليع الحرار الشاهقه

انا الوحيد المتهم عندالمحاكم والبري
المقترف ذنب المدايح للكفو من غابقه

برفع عقالي للضباطي كل ما ااجي منبري
ذولا الحرابة راس سهم القوس ناراً حارقه

لاثارت الهيجاء وجاء دحم الجموع محدري
انخ الضباطي وابشر بعزك ولا احداً سابقه

لا ياسحابة لابتي هلي عليهم وامطري
من الحجاز لنجد واضفي بالكويت وبارقه

مطير حمران النواظر تاج راسي وافخري
واللي يبا ياقف بوجهي دونهم وش حارقه

افخر واماري واتصدى للمعادي واقدري
اعطيه درساً من فعول مطير تثقل عاتقه

اكتب على وضح النقاء والصدق ميزة دفتري
ماجبت من نسج الخيال ابيات ماهي لائقه

فايز الضباطي