قصة حقيقية.. محمد فراج يكشف أسرار ورد وشوكولاتة

مسلسل "ورد وشوكولاتة" قلب السوشيال ميديا من أول حلقتين، وبعد ساعة واحدة بس من عرضهم تصدر التريند وكل الناس بدأت تتكلم عنه، خصوصا بسبب المشاهد القوية اللي شافوها، وأبرزها مشهد الحوار التليفزيوني اللي جمع زينة ومحكد فراج وخلى الجمهور متشوق يعرف إيه اللي هيحصل بعد كده، خصوصا ان القصة حقيقة والكل مستني التفاصيل ورا الحكاية

محمد فراج علق على نجاح المسلسل في تصريحاته لـ "زوايا"، وقال إن التجربة كانت صعبة جدا، لكن الكل كان مصدق القصة وبيحاول يطلع بعمل مختلف،

وأضاف: "كل فريق العمل كان بيشتغل بحب وإخلاص، وأنا بشكرهم على المجهود الكبير اللي اتعمل عشان المسلسل يطلع بالشكل ده."

كمان أتكلم عم كواليس التصوير وقال انها كانت صعبة جدا، خاصة إن القصة مستوحاة من أحداث حقيقية، وده خلا المخرج ماندو العدل يركز في كل تفصيلة من أول البروفات، وقال: "كنت مطمن في أول تجربة تجمعني بماندو، وعارف إني هقدم حاجة مختلفة وهقدر أتغلب على خوفي من التجربة."

كمال قال إن الورق كان مليان تفاصيل دقيقة، ورغم ظروف التصوير القاسية، قدر ماندو العدل ومحمد رجاء يطلعوا من كل الممثلين أفضل أداء ممكن، وفرحان برد فعل الجمهور على الحلقات الأولى.

وعن تفاصيل تحضيره لشخصيته اتكلم وقال:"صلاح يعاني اضطرابات نفسية عميقة ناتجة عن تربية قاسية وعلاقات مضطربة داخل أسرته، وعلاقته بوالده ووالدته وأخته شكّلت عقدا متراكمة جعلته إنسانا مشوها من الداخل، وهذا ما جعله يتعامل بقسوة مع من حوله، حتى مع زوجته شيرين."

محمد فراج كمان اكد انه أعاشق للأعمال المستوحاة من قصص حقيقية، ومبيخافش من التحدي أو من خوض أدوار غير مألوفة.

ختم كلامه وقال انه مبسوط بالعمل مع زينة وكل فريق العمل اللي تعبوا جدا في المسلسل