Shije Shtëpie - Bakllava me kadaif, arra dhe tahin hallvasi nga Znj. Vjollca - Tv Klan

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

Bakllava me kadaif, arra dhe tahin hallvasi

1 pako peta të holla për bakllava
500 gr kadaif
300 gr gjalpë
250 gr arra
300 gr tahin hallvasi
Pak çokollatë të zezë ose kakao
Shërbeti
1 kg sheqer
750 ml ujë
2 feta limon

Fillimisht tresim gjalpin. Vendosim kadaifin në një tepsi, e spërkatim me 3/4 e gjalpit dhe fillojmë ta punojmë kadaifin me të dy duart me qëllim që të lyhet mirë me gjalpë. Pjesën tjetër të gjalpit e përdorim për lyerjen e petëve. Ndërkohë lyejmë tepsinë ku do të përgatisim bakllavanë me pak gjalpë. Shtojmë gjysmat e petëve duke i lyer ato në çdo petë me gjalpë. Më pas mbi petë nivelojmë gjysmën e kadaifit. Mbi kadaifin e shtruar shpërndajmë arrat, hallvasinë e copëtuar dhe nëse preferoni pak çokollatë të zezë ose pak kakao, i jep shumë shije. Mbulojmë arrat dhe hallvasinë me pjesën tjetër të kadaifit të mbetur e më pas e mbulojmë me petët e mbetura duke i spërkatur në çdo petë sërish me pak gjalpë. Në fund e presim bakllavanë më racione katrore, jo romb për arsye se tek rombi na thërrmohet kadaifi. E pjekim në temperaturë 170 gradë për 45-50 minuta deri sa të marrë një ngjyrë të artë të thellë.

Ndërkohë në një tenxhere vendosim 750 ml ujë dhe 1 kg sheqer. E lëmë të ziejë vetëm 7 minuta. Pas zierjes e sherbetosim kur ëmbëlsira të jetë e vakur dhe sherbeti i nxehtë, 8 minuta pasi ta largojmë nga zjarri.


SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu