盼與昔日黑玫瑰電影團隊重聚 邵美琪分享登六凍齡秘訣

盼與昔日黑玫瑰電影團隊重聚 邵美琪分享登六凍齡秘訣

香港流行文化節2025其中一個活動，就係再度放映劉鎮偉執導同任編劇嘅經典喜劇《92黑玫瑰對黑玫瑰》，作為主演之一嘅邵美琪更現身同影迷對談，向來深居簡出嘅Maggie，重提30多年前嘅經歷，佢都顯得相當雀躍。

Maggie當年作為影壇新人，就可以同梁家輝、毛舜筠、馮寶寶、黃韻詩等大前輩合作，佢都話而家回想起嚟都覺得機會相當珍貴，更加佩服當年患有情緒病嘅BoBo姐依然表現得相當專業，一啲都睇唔出。Maggie又指如果可以返轉頭，佢會想多啲同前輩交流，相信必定有更大得著，Maggie仲表示好希望同當年嘅拍檔一齊出嚟聚下。

Maggie唔止早前復出拍攝新劇，近排佢亦多咗現身，好似二月時更同粉絲一齊慶祝60歲生日，當時佢仲係素顏會粉絲，被大讚養顔有術，Maggie話最大嘅秘訣就係保持心境開朗，佢仲預告嚟緊將會開劇，相信大家都會好期待呀。

而移居加國嘅劉鎮偉導演亦有拍短片分享舊作嘅提問，更透露自己拍喜劇時未有諗太多自己嘅個人風格，只係想挑戰自己，盡量諗一啲天馬行空好笑嘅橋段。

#香港流行文化節2025 #邵美琪 #劉鎮偉 #92黑玫瑰對黑玫瑰 #梁家輝 #毛舜筠 #馮寶寶 #黃韻詩 #專業 #重聚 #60歲 #凍齡 #秘訣 #拍劇 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0