Top Channel/ Robotë për çdo shtëpi/ Elon Musk premton humanoidë në treg që vitin e ardhshëm

Elon Musk parashikon që robotët e tij humanoidë do të dalin në treg vitin e ardhshëm, një nga disa parashikime “optimiste” që manjati amerikan i teknologjisë bëri në paraqitjen e tij të parë ndonjëherë në Davos.

Deri në fund të vitit të ardhshëm, mendoj se do të nisim shitjen e robotëve humanoidë për publikun. Në atë moment do të kemi besim të plotë në nivelin shumë të lartë të sigurisë dhe besueshmërisë, si edhe në gamën e gjerë të funksioneve. Praktikisht, do të mund t’i kërkosh të bëjë pothuajse çdo gjë.

CEO i gjigantit të investimeve BlackRock iu përmbajt skenarit të tij të entuziazmit optimist për inteligjencën artificiale, robotikën dhe udhëtimet hapësinore.

Nëse do të kemi miliarda robotë humanoidë – dhe unë mendoj se do t’i kemi çdo njeri në Tokë do të ketë nga një dhe do ta dëshirojë. Sepse kush nuk do të donte një robot që, nëse është plotësisht i sigurt, të kujdeset për fëmijët tuaj apo për kafshën shtëpiake? Nëse keni prindër të moshuar, të kesh një robot që të kujdeset për ta dhe t’i mbrojë, mendoj se do të ishte diçka fantastike. Do të ishte një gjë e jashtëzakonshme.

Musk parashikoi gjithashtu se bum-i i inteligjencës artificiale do të sjellë modele që janë “më të zgjuara se çdo njeri deri në fund të këtij viti, dhe do të thosha jo më vonë se viti i ardhshëm”.
Nuk e di çfarë do të ndodhë pas 10 vitesh, por me ritmin me të cilin po ecën inteligjenca artificiale, mendoj se deri në fund të këtij viti mund të kemi AI më të zgjuar se çdo njeri. Dhe jo më vonë se viti i ardhshëm. Ndërsa rreth viteve 2030–2031, pra pas rreth pesë vitesh, AI do të jetë më e zgjuar se gjithë njerëzimi i marrë së bashku.

Por ai e mbylli fjalimin e tij me një rezervë: Në përgjithësi, mendoj se për cilësinë e jetës është në fakt më mirë të gabosh duke qenë optimist, sesa të kesh të drejtë duke qenë pesimist.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#ElonMusk#Robotët#TopChannelNews