ГИРОМИДОШТИ 80-СОЛАГИИ МУРОДУЛЛОҲ ШЕРАЛИЗОДА ДАР ПАНҶАКЕНТ

Рӯзҳои 26–27 ноябри соли 2025 дар шаҳри бостонии Панҷакент ҳамоиши бошукуҳ бахшида ба 80-солагии Муродуллоҳ Шерализода баргузор гардид. Ӯ яке аз чеҳраҳои барҷастаи давлату ҷомеа, журналист, муаррих ва аввалин сармуҳаррири нашрияи «Садои мардум» буд.
Муродуллоҳ Шерализода ҳамчун аввалин қурбонии ҷанги шаҳрвандӣ дар Тоҷикистон бо вуҷуди хатари рӯзгор роҳи хидмат ба халқро интихоб карда буд. Ӯ умри кӯтоҳ, аммо пуршарафашро барои ваҳдат, якпорчагӣ, дӯстии халқҳо ва таҳкими давлатдории миллӣ сарф намуд.
Тавре ки Пешвои миллат муҳтарам Эмомалӣ Раҳмон (20 майи 1993) таъкид намудаанд:
“...Муродуллоҳ Шерализода барин шахсони наҷиб рӯзгори хешро бидуни хизмати халқ тасаввур карда наметавонистанд. Ӯ воқеан ҳам донишманди фозил, фарзонамарди соҳаи фарҳангу маданият, арбоби барҷастаи давлатӣ буда, таҳким бахшидани дӯстию бародарии ҷовидонаи тамоми халқҳою миллатҳои ҷумҳуриамон, ваҳдату якпорчагии Тоҷикистони азизро ҳадафи волои худ ҳисобида буд. Ӯ барои ин мақсади олӣ ҳамеша ҷаҳду ҷадал менамуд ва муборизаи оштинопазир мебурд. Ва дар ҳамин роҳ ҳам ҷони ҷавони худро нисор кард. Имрӯз, ки давлату ҳукумати конститутсионӣ мустаҳкам буда, устуворона ба пеш қадам мениҳад, барои ин Муродуллоҳ Шерализода низ саҳми босазо гузоштааст...”

Имрӯз, вақте Тоҷикистон бо пояҳои устувори давлатдорӣ пеш меравад, саҳми ин фарзанди ҷасури миллат дар таъмини суботи давлативу ҷамъиятӣ ҳамеша ба ёд оварда мешавад.

📌 Дар ин видео мо ба зиндагӣ, хизматҳо ва мероси Муродуллоҳ Шерализода назар меафканем.

👉 Лайк гузоред, шарҳ нависед ва барои гирифтани маълумот обуна шавед!

+++

PRESSA.TJ - Tojikiston: YouTube-канали иттилоотӣ, таҳлилӣ ва фарҳангию варзишӣ дар заминаи ҳафтаномаи "Тоҷикистон" ва сомонаи Рressa.tj барои аудиторияи васеъ cохта шудааст.

WEB-САЙТИ МО: https://www.pressa.tj
Телефони масъули реклама: +992 93 111 08 61
Телефони редаксияи Рressa.tj: 221 06 44
Саҳифаи шарикон: https://www.arzon.tj
YouTube тавсия медиҳад:    / oilatj