Kaviya Oba (කවිය ඔබ) - Visharad Deepika Priyadarshani, Sunil R Gamage | 1990

Kaviya Oba (කවිය ඔබ) - Visharad Deepika Priyadarshani

Available on All Streaming Platforms
https://ceymusic.lnk.to/KaviyaObaOrig...

Lyrics: සුනිල් ආර්. ගමගේ
Music: Dr. Rohana Weerasinghe

මට හමුවූ ගේයපද රචකයන් අතරේ සුනිල් ආර් ගමගේ වෙනස්ම ආකෘතියකට අනුව තම ගීපද හසුරුවන්නෙකු ලෙස මගේ සිත්ගත් බව මුලින්ම කිවයුතුය. ඔහුගේ පදරචනා තුල සැගවුනු රිද්ම රටා එක්වරම කෙනෙකුට හදුනා ගැනීම තරමක් අසීරුය.මේ වෙනස් ආකෘතිය නිසාම ඊට අනුගත වන තනුවද වෙනත් රටාවකට නිමැවෙන්නේ නිරායාසයෙනි.
"කවිය ඔබ" මීට හොදම නිදසුනකි.පේලියෙන් පේලියට එන මාත්‍රා සම බවක් නොදක්වයි.ඒ නිසා තැනින් තැන "යති" යොදමින් තවත් විටක කෙටි "සංගීත ඛන්ඩ" යොදමින් මා මේ ගී තනුව නිර්මාණය කළේ තරමක් වෙහෙස වීමෙනි.
පද රචනයේ විශිෂ්ටත්වය හා ගැඹුරත් ඊටම ගැලපුනු වෙනස් ආකාරයක තනුවත් අමරසිරි පීරිස් සංගීත වේදියානන්ගේ පියානෝවේ හා කළණි පෙරේරාගේ වයලීනයේ මිහිරත් මේ ගීතය ඉහලම තලයකට ගෙන ආ අතර ගායනයෙන් විශිෂ්ට දායකත්වයක් දුන් විශාරද දීපිකා ප්‍රියදර්ශනී ගායනවේදිනියට මේ ගීතයෙන් ලැබුනේ අසීමිත ජනප්‍රියතාවකි.
1980 දශකයේ අගභාගයේ සිට මේ දක්වා වසර 35කට ආසන්න කාලයක් පුරා ඇය සහභාගිවූ සෑම දෙස් විදෙස් සංචාර සන්දර්ශනයකදීම වැඩිම ආකර්ශනයක් ලැබුනේ මේ ගීතයට යැයි පැවසීම අතිශයෝක්තියක් නොවේ.
එදා මමත් සුනිල් ආර් සොහොයුරාත් දීපිකාගේ ගුවන් විදුලි සරළ ගී වැඩසටහනක් සදහා ඇය වෙනුවෙන් කළ දානමය පුණ්‍යකර්මයක් ලෙස "කවිය ඔබ" සිංහල ගීත ඉතිහාසයේ නොමැකෙන සටහනක් තබා ඇත.

කවිය ඔබ
තුන් තිස් පැයක් නිදි වරා වෙහෙසී
සිත දෙගිඩියාවෙන් තවම නොලියූ
කවිය ඔබ කවිය ඔබ

පද එකින් එක ලියවා - සිත කුරුටු ගා මැකුවා
ඔබ ලියූ කවි කියවා - මං අසරණව උන්නා
යෞවනේ...
තනිකමක් දැනෙනා මොහොතක
සිත ඉකි ගසා හැඩුවා

කවිය ඔබ
තුන් තිස් පැයක් නිදි වරා වෙහෙසී
සිත දෙගිඩියාවෙන් තවම නොලියූ
කවිය ඔබ කවිය ඔබ

හොර ඇහින් ඉගි කරලා - සද මගෙන් සමු ගත්තා
කවිපොතම පොඩි කරදා - නිදියන්න මට හිතුනා
යෞවනේ...
අත ලහින් හිදිනා මොහොතක
දුර ඈත බව දැනුනා

කවිය ඔබ
තුන් තිස් පැයක් නිදි වරා වෙහෙසී
සිත දෙගිඩියාවෙන් තවම නොලියූ
කවිය ඔබ කවිය ඔබ

#KaviyaOba #RohanaWeerasinghe #SinhalaSongs